پاکستان میں بہترین فلمیں بن رہی ہیں عمیر جسوال

عمیر جسوال، سلطنت مغلیہ کے پس منظر میں بننے والے ڈرامے’’مور محل‘‘ میں نواب عاشر جہاں کے کردار میں نظر آئیں گے

نمرہ ملک May 04, 2016

عمیر جسوال، سلطنت مغلیہ کے پس منظر میں بننے والے ڈرامے’’مور محل‘‘ میں نواب عاشر جہاں کے کردار میں نظر آئیں گے۔ فوٹو : فائل

PESHAWAR: گلوکار و اداکار عمیر جسوال نے کہا کہ پاکستان میں بہترین فلمیں بن رہی ہیں جس کے باعث اب ڈراموں میں مثبت مقابلے کی فضاء دیکھنے کو مل رہی ہے، پاکستانی ڈرامے دنیا بھر میں منفرد و معیاری کہانی و پروڈکشن کے باعث پسند کیے جارہے ہیں ۔

ان خیالات کا اظہار انھوں نے ایکسپریس سے گفتگو کرتے ہوئے کیا۔ ان کا کہنا تھا کہ فلموں کی وجہ سے پاکستانی ڈرامے متاثر ہورہے تھے لیکن امید ہے اب دوبارہ بہترین اور معیاری ڈرامہ دیکھنے کو ملیں گے۔ عمیر جسوال، سلطنت مغلیہ کے پس منظر میں بننے والے ڈرامے''مور محل'' میں نواب عاشر جہاں کے کردار میں نظر آئیں گے۔ ڈرامہ کی ہدایتکاری سرمد سلطان کھوسٹ نے انجام دی ہے جب کہ اس کی کہانی معروف مصنف سرمد صہبائی نے لکھی ہے۔ڈرامہ کی کاسٹ میں میشا شفیع' فضا علی' ثانیہ سعید ' حنابیات خان اور دیگر شامل ہیں۔

عمیر جسوال نے مزید کہا کہ ڈرامے کو حقیقت سے قریب تر کرنے کے لیے مغلیہ سلطنت کو بہت باریک بینی سے دکھایا گیا ہے اورکرداروں کے ملبوسات سے لے کر اسٹیج تک ہر چیز کا بہت خیال رکھا گیا ہے۔