تمام اقدامات بے سود2015میں پاکستانی تجارت کا خسارہ بڑھ گیا

جاپان سے برآمدی ٹیرف میں کمی پر مذاکرات کی بازگزشت سنی گئی

اظہر جتوئی January 01, 2016

جاپان سے برآمدی ٹیرف میں کمی پر مذاکرات کی بازگزشت سنی گئی:فوٹو: فائل

ISLAMABAD: پاکستان کی بیرونی تجارت کیلیے سال2015 بھاری ثابت ہوا،برآمدات میں 5.7فیصد کمی اور تجارتی خسارے میں 11.1 فیصد کا اضافہ ہوا، حکومت تمام تر دعوئوں کے باوجود نئی تجارتی پالیسی دینے میں ناکام اورجی ایس پی پلس اسٹیٹس برقرار رکھنے کیلیے یورپین یونین کو وضاحتیں پیش کرتی رہی، افغانستان اوربھارت سے تجارت پر پیشرفت نہ ہو سکی تاہم چین کے ساتھ آزادتجارتی معاہدے پرنظرثانی کیلیے مذاکرات کے کئی دور ہوئے، اقوام متحدہ نے پاکستان کے بین الاقوامی ٹی آئی آر کنونشن میں شمولیت کی منظوری دی۔

''ایکسپریس'' کو دستیاب دستاویزات کے مطابق حکومت نے جولائی میں اعلان کیا کہ اسٹریٹجک ٹریڈ پالیسی فریم ورک 2015-18 تکمیل کے آخری مراحل میں ہے ، اسے جلد ہی غور کیلیے کابینہ کی ذیلی کمیٹی میں پیش کردیا جائیگااور کمیٹی کی سفارشات شامل کرنے کے بعد کابینہ اس کی منظوری دے گی لیکن پالیسی کا اعلان نہیں کیا جا سکا، گزشتہ پاکستان نے ڈبلیو ٹی او میں زرعی ایکسپورٹ پر سبسڈی کے بھارتی اقدام کو چیلنج کیا، دنیا بھر سے تجارتی تعلقات استوار کرنے کیلیے اقدامات کیے گئے۔

جاپان سے برآمدی ٹیرف میں کمی پر مذاکرات کی بازگزشت سنی گئی، روس سے ترجیحی تجارت اور ٹیرف میں کمی پر مذاکرات کا ازسر نو آغاز کیا گیا ، روس کی یورپی خوراک پر پابندی سے پاکستان کیلیے پھل، سبزیوں و گوشت کی روس کو برآمد کے مواقع ابھرے، پاکستان اور بیلاروس میںاقتصادی تعاون کے روڈمیپ پر اتفاق کیا گیا اورپاک تھائی ایف ٹی اے کیلیے معاملات بھی طے پا گئے۔