گیس چوری کیخلاف مہم241 کنکشن منقطع 27 لاکھ جرمانہ وصول

پنجاب، کے پی، اسلام آباد میں کارروائیاں، مردان گیس کا 5 کلومیٹر غیر قانونی نیٹ ورک پکڑاگیا

Numainda Express September 15, 2023

لاہورمیں بیدیاں روڈ پر فارم ہاؤس میں گیس کا غیر قانونی کنکشن منقطع کردیا گیا، ترجمان ایس این جی پی ایل۔ فوٹو: فائل

سوئی ناردرن نے گیس چوری کے خلاف مہم کے دوران پنجاب، خیبر پختونخوا اور اسلام آباد میں مزید 241گیس کنکشن منقطع کردیئے جب کہ گیس چوری میں ملوث افراد سے 27 لاکھ روپے وصول کیے جائیں گے۔

ترجمان ایس این جی پی ایل نے جمعرات کے روز بتایا کہ کریک ڈاؤن کے دوران ایک بڑی کارروائی میں مردان کے علاقے میں گیس کا 5کلومیٹر طویل غیر قانونی نیٹ ورک پکڑا گیا جسے ریجنل ٹیم نے منقطع کردیا، لاہور میں بیدیاں روڈ پر فارم ہاؤس میں گیس کا غیر قانونی کنکشن منقطع کردیا گیا۔

یہ بھی پڑھیں: سات دنوں میں ایک ارب یونٹ بجلی ریکور کرلی، پاور ڈویژن

لاہور میں ہی یو ایف جی ٹاسک فورس نے کارروائی کرتے ہوئے تجارتی مقاصد کیلئے گھریلو کنکشن کے استعمال پر گیس کنکشن منقطع کر دئیے، دیگر کارروائیوں میں سوئی ناردرن گیس نے پشاور میں گیس کے براہ راست استعمال، غیر قانونی کنکشن پر مجموعی طور پر30 کنکشن منقطع کیے جانے کے علاوہ گیس چوری 14 لاکھ سے زائد رقم بک کی۔

راولپنڈی میں ریجنل ٹیم نے 11گیس کنکشن منقطع کرنے کے علاوہ 277000 کی رقم بک کی، لاہور میں کمپریسر کے استعمال پر دو جبکہ گیس کے غیر قانونی استعمال پر گیارہ کنکشن منقطع کردیے گئے۔