پی آئی اے کو عبوری ریلیف دینے کیلیے اقدامات مکمل

حکومت کے تعاون اور بینکوں کو دی گئی ہدایات کے باعث فنڈز کا اجراہوگا

Numainda Express September 10, 2023

ادارے کے مالی بحران کے باعث ملازمین کو اگست کی تنخواہیں تاحال نہ مل سکیں۔ فوٹو: فائل

حکومت پاکستان نے پی آئی اے کو عبوری ریلیف دینے کے لیے اقدامات مکمل کرلیے۔

پی آئی اے کی مالی مشکلات میں بہتری کے تناظر میں حکومت پاکستان نے پی آئی اے کو عبوری ریلیف دینے کیلیے اقدامات مکمل کرلیے، ترجمان پی آئی اے کے مطابق پی آئی اے پرانے قرضوں اور سود کی ادائیگیوں کی وجہ سے شدید مالی مشکلات کا شکار تھا۔

یہ بھی پڑھیں: اکاؤنٹس تاحال منجمد، پی آئی اے ملازمین کو تنخواہیں نہ مل سکیں

حکومت پاکستان کے تعاون اور بینکوں کو دی گئی ہدایات کے باعث فنڈز کا اجراہوگا جس سے پی آئی اے کی ادائیگیوں کا توازن بہتر ہوگا، اگلے ہفتے تک متوقع فنڈز کو جہازوں اور ان کے انجنوں کی لیز، پرزہ جات اور بیرون ملک ہینڈلنگ کی ادائیگیوں کیلیے استعمال کیا جائیگا۔

ادھر پی مالی بحران کے باعث آئی اے ملازمین و افسران کو اگست کی تنخواہیں تاحال ادا نہیں کی جاسکیں، تنخواہوں کی ادائیگی کا معاملہ رواں ماہ کے وسط تک طول پکڑسکتا ہے۔