پی آئی اے کی بہتری کیلیے زیادہ مدد کرینگے وزیرخزانہ

ڈار کی ایئر وائس مارشل عامرحیات سے ملاقات،متعلقہ امور پر تبادلہ خیال

News Agencies/Numainda Express July 23, 2023

زرعی آمدن پر نہ کوئی وفاقی ٹیکس لگایا گیا اور نہ ہی لگایا جائے گا، ٹویٹ۔ فوٹو: فائل

وفاقی وزیرخزانہ اسحق ڈار نے پی آئی اے کی بہتر ی کے لیے زیادہ مدد فراہم کرنے کے عزم کا اظہار کیا ہے۔

وفاقی وزیرخزانہ اسحق ڈارنے پاکستان انٹرنیشنل ایئرلائنز کی بہتر ی کے لیے زیادہ سے زیادہ مدد فراہم کرنے کے عزم کا اظہار کیا ہے، انھوں نے یہ بات پی آئی اے کے چیف ایگزیکٹوآفیسر ایئر وائیس مارشل محمد عامر حیات سے ملاقات میں کہی، ملاقات میں پی آئی اے سے متعلق امور پر تبادلہ خیال کیاگیا۔

یہ بھی پڑھیں: پہلے اسلام آباد پھر لاہور اور کراچی ایئرپورٹس آؤٹ سورس کرینگے، سعد رفیق

پی آئی اے کے چیف ایگزیکٹوآفیسر نے حکومت سے مالی تعاون کی درخواست کی، وزیر خزانہ نے پی آئی اے کی کارکردگی کو بہتر بنانے اور جلد از جلد یورپ کیلیے پروازوں کو شروع کروانے کیلیے وزیرِ ہوابازی خواجہ سعد رفیق سے بھرپور معاونت کا عندیہ بھی دیا۔

مزید برآں ایک ٹویٹ میں وزیرخزانہ نے کہاکہ زرعی آمدن پر نہ کوئی وفاقی ٹیکس لگایا گیا اور نہ ہی لگایا جائے گا۔

(2/2)
وزیر خزانہ نے PIA کی کارکردگی کو بہتر بنانے اور جلد از جلد یورپ کی PIA کی پروازوں کو شروع کروانے کیلئے وزیرِ ھوابازی خواجہ سعد رفیق سے بھرپور معاونت کا عندیہ بھی دیا۔
— Ministry of Finance, Government of Pakistan (@Financegovpk) July 22, 2023