دسمبر کی برآمدات میں 15 فیصد اضافہ ششماہی تجارتی خسارہ 9 ارب ڈالر تک محدود

جولائی تا دسمبرخسارہ 8.75 فیصدکم، برآمدات5 فیصد اضافے سے12.6 ارب اور درآمدات 1 فیصد گھٹ کر 21.6 ارب ہوگئیں

Kamran Aziz January 16, 2014

جولائی تادسمبرخسارہ8.75 فیصدکم، برآمدات5فیصداضافے سے12.6ارب اور درآمدات 1فیصد گھٹ کر21.6ارب ہوگئیں. فوٹو: اے ایف پی/فائل

پاکستانی برآمدات میں اضافے اور درآمدات میں کمی کے باعث دسمبر میں تجارتی خسارہ 30 فیصد گھٹ گیا جبکہ پہلی ششماہی میں برآمدات کی مالیت ساڑھے12 ارب ڈالر سے تجاوز کرگئی۔

موجودہ رجحان کو دیکھتے ہوئے اور جی ایس پی پلس کی وجہ سے رواں مالی سال کے اختتام برآمدات26 ارب ڈالر تک پہنچنے کی امید ہے، جولائی سے دسمبر 2013 تک پاکستانی تجارتی خسارہ 9ارب3کروڑ20 لاکھ ڈالر رہا جو گزشتہ مالی سال کی اسی مدت میں 9ارب89کروڑ 80 لاکھ ڈالر رہا تھا، اس طرح پہلی ششماہی میں تجارتی خسارہ سال بہ سال 8.75 فیصد کم رہا، اس دوران برآمدات 5.11 فیصد کے اضافے سے 12ارب63کروڑ 90 لاکھ ڈالر اور درآمدات 1.14 فیصد گھٹ کر21 ارب 67 کروڑ 10 لاکھ ڈالر رہیں۔

photo 7_zps37289c31.jpg

دوسری طرف پاکستان کو دسمبر 2013 کے تجارتی خسارے میں اگرچہ 1ارب 28 کروڑ 60 لاکھ ڈالر اضافہ ہوا تاہم یہ دسمبر 2012 میں 1 ارب 84کروڑ 70 لاکھ ڈالر کے خسارے سے 30.37 فیصد کم رہا، گزشتہ ماہ برآمدات 26.11 فیصد کے زبردست اضافے سے 2 ارب 27 کروڑ 50 لاکھ ڈالر رہیں جبکہ نومبر 2013 میں برآمدات1 ارب 80 کروڑ40 لاکھ ڈالر رہی تھیں، اس دوران درآمدات 2.47 فیصد گھٹ کر 3 ارب 56 کروڑ10لاکھ ڈالر رہ گئیں، سالانہ بنیادوں پر دیکھاجائے تو دسمبر 2013 میں تجارتی خسارہ 24.49 فیصد اور درآمدات 3.02 فیصد کم رہیں جبکہ برآمدات میں 15.54 فیصد اضافہ ہوا، دسمبر 2012 میں برآمدات 1 ارب 96 کروڑ 90 لاکھ ڈالر، درآمدات 3 ارب 67 کروڑ 20 لاکھ ڈالر اور تجارتی خسارہ 1 ارب 70کروڑ 30 لاکھ ڈالر رہا تھا۔