گیلانی اور پرویز اشرف دور کی 500 ترقیاتی اسکیمیں منسوخ کرنیکا فیصلہ

منصوبوں پر ابھی کام شروع نہیں ہوا، پیپلز ورکس پروگرام میں بڑی بدعنوانی ہوئی: احسن اقبال

Express Tribune Report January 06, 2014

منصوبوں پر ابھی کام شروع نہیں ہوا، پیپلز ورکس پروگرام میں بڑی بدعنوانی ہوئی: احسن اقبال. فوٹو: فائل

وفاقی حکومت نے سابق وزرائے اعظم یوسف گیلانی اور پرویز اشرف کے جاری کردہ 500 ڈائریکٹوز (حکمنامے) منسوخ کرنیکی کی تیاریاں مکمل کرلی ہیں۔

یہ احکام پیپلز ورکس پروگرام ون اور ٹو کے تحت ارکان پارلیمنٹ کے ترقیاتی منصوبوں کیلئے جاری کئے گئے تھے۔ ذرائع کے مطابق ان ترقیاتی منصوبوں کیلئے کل 1400ڈائریکٹوز جاری کئے گئے تھے جن میں سے 506 ختم کئے جا رہے ہیں کیونکہ ابھی ان منصوبوں پر کام شروع ہونا ہے۔

photo 12_zps6da8b6c5.jpg

حکومت نے 6 رکنی اعلٰی سطح کی کمیٹی بنا دی ہے جو باقی 900 ڈائریکٹوز جائزہ لے گی جن پر کام کا آغاز ہو چکا ہے۔ ایکسپریس ٹریبون سے گفتگو کرتے ہوئے وفاقی وزیر پلاننگ ڈویلپمنٹ احسن اقبال نے بتایا کہ حکومت نے سپریم کورٹ کے فیصلے کے بعد پیپلز ورکس پروگرام کے تمام منصوبوں کیلیے فنڈز منجمد کر دیے ہیں، محکمانہ آڈٹ میں بڑے پیمانے پر بدعنوانی کی نشاندہی ہوئی ہے۔