نئے آرمی چیف کا تقرر ہارون اسلم سینئر ترین جنرل ظہیر الاسلام ’’چھپے رستم‘‘ ثابت ہوسکتے ہیں

ہارون اسلم کمانڈر ایس ایس جی رہے،’ریڈ ونگز‘بھی حاصل کیے، راشد محمود جنرل کیانی کی بلوچ رجمنٹ سے ہی تعلق رکھتے ہیں

Express Tribune Report November 23, 2013

راحیل شریف کے شریف برادران سے مراسم ہیں، طارق خان کو ’سپاہیوں کا سپاہی‘کہا جاتا ہے،ظہیرالاسلام کیانی کے قریب دوست ہیں۔ فوٹو: فائل

KARACHI: پاکستان کے 14 ویں چیف آف آرمی اسٹاف جنرل اشفاق پرویزکیانی28 نومبر کو ریٹائرہورہے ہیں، انھوں نے6 سال تک پاک فوج کی قیادت کی۔

حکومت نے ابھی تک انکے جانشین کا اعلان نہیں کیا تاہم نئے آرمی چیف کا انتخاب عہدے کے 4 مرکزی امیدواروں اور ایک چھپے رستم میں سے ہی کیا جائیگا۔ نیاآرمی چیف ایسے وقت میں فوج کی قیادت کرے گا جب افغانستان سے اتحادی افواج کا انخلا شروع ہوچکا ہوگا، حکومت اور طالبان میں مذاکرات ہونگے اور نیا آرمی چیف بھارت، چین، امریکا اور خلیجی ریاستوں کے ساتھ سفارتی اتار چڑھائو بھی دیکھے گا۔ جنرل خالد شمیم وائیں کی ریٹائرمنٹ کے بعد سے چیئرمین جوائنٹ چیفس آف اسٹاف کمیٹی کا عہدہ بھی خالی پڑا ہے، روایتی طور پراس عہدے پرآرمی افسران ہی تعینات ہوتے رہے مگرحقیقت میں اس عہدے کے لیے تعیناتی تینوں مسلح افواج سے باری باری کی جاتی ہے اور اب بحریہ کی باری ہے اور نیول چیف ایڈمرل آصف سندھیلہ سب سے سینئیر افسر بھی ہیں۔

نئے آرمی چیف کی تعیناتی وزیراعظم نواز شریف نے کرنی ہے اورانھوں نے ابھی تک اس حوالے سے کوئی اشارہ نہیں دیا، اب دیکھنا ہے کہ وزیراعظم نے اس حوالے سے جانیوالے آرمی چیف کی رائے کوکتنی اہمیت دی ہے۔ لیفٹیننٹ جنرل ہارون اسلم اس وقت سب سے سینئر ہیں، ان کا تعلق آزاد کشمیر رجمنٹ، آرٹلری سے ہے اور وہ اس وقت چیف آف لاجسٹکس اسٹاف تعینات ہیں، اس سے قبل وہ بطور لیفٹیننٹ جنرل کورکمانڈر بہاولپور اورچیئرمین ایرا رہ چکے ہیں جبکہ بطور میجر جنرل انھوں نے ڈی جی رینجرز پنجاب اور جی او سی ایس ایس جی خدمات انجام دی ہیں، بطور بریگیڈیئر ڈائریکٹر ملٹری آپریشنز ڈائریکٹوریٹ تعینات رہے۔ سینارٹی کے مطابق اگر انھیں چیئرمین جوائنٹ چیفس آف اسٹاف کمیٹی نہ بنایا گیا تو وہ چیف آف آرمی اسٹاف بن سکتے ہیں۔ انھیں روایت پسند لابی کی حمایت حاصل ہے۔ انکی موجودہ پوسٹنگ زیادہ بیوروکریٹک ہے جبکہ انھیں ایس ایس جی میں ایکسٹرا اسپیشل 'ریڈ ونگر' بھی ملے ہیں، ریڈ ونگز کے لیے کم ازکم 50 بار پیراشوٹ کے ذریعے جہاز سے کودنا پڑتا ہے۔ ان کا سینہ چوڑا اور قد چھوٹا ہے۔

اگر انھیں آرمی چیف بنایا جاتا ہے تو وہ پرویزمشرف اور مرزا اسلم بیگ کے بعد تیسرے ایس ایس جی آرمی چیف ہونگے۔ اکتوبر 1999ء میں وہ ڈائریکٹر ملٹری آپریشنز تھے۔ سینارٹی میں دوسرے نمبر پر لیفٹیننٹ جنرل راشد محمود آتے ہیں، انکا تعلق بلوچ رجمنٹ سے ہے، جنرل اشفاق پرویزکیانی بھی بلوچ رجمنٹ سے ہیں، اس وقت وہ چیف آف جنرل اسٹاف کے عہدے پر تعینات ہیں، وہ کورکمانڈر لاہور تعینات رہے، اس سے قبل بطور میجر جنرل آئی ایس ایس میں خدمات انجام دیتے رہے، وہ نواز شریف دور میں صدر رفیق تارڑ کے ملٹری سیکریٹری بھی رہے۔ اگر یفٹیننٹ جنرل ہارون اسلم کو چیئرمین جوائنٹ چیفس آف اسٹاف کمیٹی بنایا جاتا ہے تو وزیراعظم انھیں آرمی چیف بناسکتے ہیں۔ اس سے قبل یحییٰ خان، گل حسن، اسلم بیگ، آصف نوازاور جہانگیر کرامت بھی آرمی چیف بننے سے قبل چیف آف جنرل اسٹاف تعینات رہے تھے جبکہ عزیزخان، طارق مجید اور خالد شمیم وائیں بھی چیئرمین جوائنٹ چیفس آف اسٹاف کمیٹی بننے سے قبل چیف آف جنرل اسٹاف تھے۔

کور کمانڈر لاہور تعیناتی کے دوران انکا شریف برادران سے بھی رابطہ رہا ہے، جنرل راشد دراز قد، نرم خو اور خاموش طبع ہیں۔ جنرل راشد کو'نیو اسکول' لابی کی حمایت حاصل ہے اور یہ بھی خیال کیا جارہا ہے کہ آئی ایس آئی میں خدمات سرانجام دینے اور آئی ای ڈیز کے حوالے سے کام کرنے پر انھیں امریکا کی حمایت بھی حاصل ہے۔ تیسرا نمبر لیفٹیننٹ جنرل راحیل شریف کا ہے، وہ میجر شبیر شریف شہید کے بھائی ہیں، انکا تعلق فرنٹیئر فورس رجمنٹ سے ہے اور ان دنوں آئی جی ٹریننگ اینڈ ایولوایشن تعینات ہیں، اس سے قبل وہ کور کمانڈر گوجرانوالہ، کمانڈر ملٹری اکیڈمی کاکول اور جی او سی لاہور رہے ہیں۔ راحیل شریف کو فوج میں روایتی حلقوں کی حمایت حاصل ہے۔ راحیل شریف کے سابق فوجی سربراہان، لاہور کے سیاسی خاندان سے بھی مراسم ہیں۔ چوتھے نمبر پر لیفٹیننٹ جنرل طارق خان کا نام آتا ہے، وہ ان دنوں کور کمانڈر منگلا تعینات ہیں، اس سے قبل وہ ڈی جی ایف سی، جی او سی آرمرڈ ڈویژن، سینئیر نمائندہ یو ایس سینٹکام تعینات رہے، انھوں نے ملٹری اکیڈمی سے اعزازی شمشیر بھی حاصل کی تھی۔

امریکا میں انھیں عزت کی نگاہ سے دیکھا جاتا ہے اور انہیں کیانی کی طرح لیجیون آف میرٹ (Legion of Merit) بھی ملا ہے۔ انھوں نے کبھی پی ایس او ڈیسک جاب نہیں لی، انھیں 'سپاہیوں کا سپاہی' کہا جاتا ہے، ان کے اندر ایک صحافی بھی چھپا ہوا ہے اور وہ فوج کے سہہ ماہی سٹاڈل (citadel) کے ایڈیٹر رہے ہیں، جس میں انھوں نے کچھ متنازع تجاویز بھی چھاپنے کی اجازت دی تھی۔ آخر میں لیفٹیننٹ جنرل ظہیرالاسلام عباسی کا نام ہے، وہ اس وقت ڈی جی آئی ایس آئی تعینات ہیں، اسے قبل وہ کور کمانڈر کراچی اور آئی ایس آئی میں خدمات سرانجام دے چکے ہیں۔ جنرل راشد کے علاوہ وہ واحد جنرل ہیں جنھوں نے آئی ایس آئی میں خدمات سرانجام دی ہیں، وہ جنرل کیانی کے قریبی دوستوں میں بھی شمار ہوتے ہیں۔ وہ بہت کم بولتے ہیں مگر حال ہی میں انھیں کہتے سنا گیا کہ ہربھارتی میں ایک بال ٹھاکرے چھپا ہوا ہے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

نئے آرمی چیف کا تقرر ہارون اسلم سینئر ترین جنرل ظہیر الاسلام ’’چھپے رستم‘‘ ثابت ہوسکتے ہیں

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب

نئے آرمی چیف کا تقرر ہارون اسلم سینئر ترین جنرل ظہیر الاسلام ’’چھپے رستم‘‘ ثابت ہوسکتے ہیں

ہمارے ساتھ شامل ہوں

مقبول خبریں

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب