اورنگی ٹاؤن کے علاقے فرنٹیئر کالونی میں نامعلوم ملزمان نے ریسٹورنٹ پر دستی بم پھینک دیا لیکن خوش قسمتی سے دستی بم پھٹ نہ سکا۔
ریسٹورنٹ کے مالک کا کہنا ہے کہ ان کی کسی سے کوئی دشمنی نہیں ہے لیکن نامعلوم ملزمان نے ان کے ریسٹورنٹ پر دستی بم پھینک کر حملہ کرنے کی کوشش کی جبکہ ملزمان نے فائرنگ بھی کی ہے۔
انہوں نے بتایا کہ وہ گھر پر سوئے ہوئے تھے کہ اچانک فائرنگ کی آواز سے ان کی آنکھ کھلی اور جب دیکھا تو ملزمان نے گرنیڈ سے حملے کی کوشش کی ملزمان کی جانب سے پھینکا گیا دستی بم پھٹ نہیں سکا۔
ریسٹورنٹ مالک کہنا تھا کہ انہیں 2022 میں بھتے کی پرچی ملی تھی جس کا انہوں نے پیر آباد تھانے میں مقدمہ درج کروا دیا تھا اور پولیس نے ملزم کو جیل بھجوایا تھا ملزم میرا پڑوسی تھا۔