جے آئی ٹی کی حدیبیہ پیپر ملز کیس دوبارہ کھولنے کی سفارش

ایف آئی اے اورنیب کے پاس زیرالتوا کیس بھی ٹرائل کیلیے درست قرار

عرفان غوری July 11, 2017

ایف آئی اے اورنیب کے پاس زیرالتوا کیس بھی ٹرائل کیلیے درست قرار۔ فوٹو؛ فائل

جے آئی ٹی نے حدیبیہ پیپر ملز سمیت نیب اور ایف آئی اے میں شریف فیملی کیخلاف زیرالتوا دیگر کیسز بھی دوبارہ کھولنے کی سفارش کی ہے۔

جے آئی ٹی اضافی شواہد سامنے لائی ہے اور دونوں تحقیقات کے درمیان رابطہ بھی جوڑا ہے۔ ٹیم نے سفارش کی ہے کہ یہ کیس دوبارہ کھولنے اور جے آئی ٹی کی جانب سے ریکارڈ کردہ اضافی دستاویزات کی بنیاد پر ٹرائل کیلیے درست ہیں۔

جے آئی ٹی نے دعویٰ کیا ہے شریف فیملی نے 1991 سے 1998 تک کئی مشکوک اور فراڈ فارن کرنسی اکائونٹس کھولے اور حدیبیہ پیپر ملز، حدیبیہ انجینئرنگ، چوہدری شوگر ملز اور حمزہ بورڈ ملز کیلیے قرضے حاصل کیے۔

واضح رہے کہ جے آئی ٹی جو اضافی دستاویزات سامنے لائی ہے یہ ایف آئی اے اور نیب کے پاس پہلے سے موجود شواہد میں شامل نہیں۔