میاں عتیق سینیٹ اجلاس کے دوران اہلیہ کا فون آنے پر تقریر بھول گئے

چیئرمین سینیٹ سمیت پورا ایوان قہقوں سے گونج اٹھا۔

Online May 30, 2017

چیئرمین سینیٹ سمیت پورا ایوان قہقوں سے گونج اٹھا۔فوٹو : فائل

متحدہ پاکستان کے سینیٹر میاں عتیق اہلیہ کافون سن کرتقریرکرناہی بھول گئے۔

گزشتہ روز چیئرمین سینیٹ رضا ربانی کی زیر صدارت سینیٹ کااجلاس جاری تھا جس میں سینیٹرمیاں عتیق پی ایس ڈی پی پرتقریر کررہے تھے کہ اس دوران ان کی اہلیہ کا فون آگیاجسے سننے کے لیے وہ باہرچلے گئے اورجب واپس آئے توچیئرمین سینیٹ سے معذرت کرتے ہوئے کہاکہ میری اہلیہ کا فون آیا تھا جسے سننے کے بعد دماغی طور پر صدمے سے دوچارہوں اس لیے تقریر بھول گیا ہوں لہٰذا مجھے کل تک کی اجازت دی جائے تاہم اس پر چیئرمین سینیٹ رضاربانی نے ہنستے ہوئے انھیں کل تقریرکرنے کی اجازت دیدی۔

دوسری جانب سینٹر مشاہداللہ خان نے ہستے ہوئے متحدہ کے رہنما سے سوال کیا کہ کس طرح کا دماغی صدمہ پہنچا اور کیوں پہنچا یہ سن کرمیاں عتیق شرمندہ ہوکرسیٹ پربیٹھ گئے اور چیئرمین سینیٹ سمیت پورا ایوان قہقوں سے گونج اٹھا۔