پاناما کیس میں وزیر اعظم کو جے آئی ٹی میں بلانے کیلیے عملدرآمد بینچ سے منظوری لی جائے گی

ٹیم اپوزیشن کی تنقید کے ڈر سے وزیر اعظم ہاؤس جانا نہ ضابطہ فوجداری کے تحت نوٹس جاری کرنا چاہتی ہے، ذرائع

نوید معراج May 20, 2017

عدالت سے سوالنامے کی منظوری بھی لی جائے گی، 2000ء میں ہونے والی نیب کی تفتیش کی معلومات بھی لی گئی ہیں۔ فوٹو؛ فائل

پاناما لیکس کیلیے تشکیل دی گئی جے آئی ٹی نے وزیراعظم کو بلانے کیلیے عملدرآمد بینچ سے منظوری لینے کا فیصلہ کیا ہے۔

وزیراعظم اور اُن کے خاندان پر لگائے گئے الزامات کی انکوائری کیلیے سپریم کورٹ کی طرف سے تشکیل دی گئی تاہم جوائنٹ انسویسٹی گیشن ٹیم(جے آئی ٹی) پرسوں عملدرآمد بینچ کے روبرو 2اہم پوائنٹس اٹھائے گی۔ پہلا یہ کہ وزیراعظم کو ذاتی طور پر کس طرح بلایا جائے؟ جبکہ دوسرا یہ کہ وزیراعظم کی فیملی کے مختلف اسٹیک ہولڈرز کیلیے جو سوالنامہ تیار کیا گیا ہے، اُس کی عملدرآمد بینچ سے منظوری لی جائیگی۔

ذرائع نے ایکسپریس کو بتایا ہے کہ ٹیم سوال جواب کیلیے وزیراعظم ہاؤس نہیں جانا چاہتی کیونکہ اس سے اپوزیشن کے عتاب کا سامنا کرنا پڑ سکتا ہے ، جانبداری کے الزامات بھی لگ سکتے ہیں۔ دوسری طرف وزیراعظم کو نوٹس جاری کرنے کا بھی ایک آپشن ہے لیکن ایسا نوٹس ضابطہ فوجداری کی دفعہ 160 کے تحت جاری کیا جاتا ہے، جس کا مطلب لیا جائیگا وزیراعظم کو ملزم تصور کیا جا رہا ہے جبکہ اس صورتحال میں اس آپشن سے بھی گریزکیا جا رہا ہے کیونکہ اس سے اپوزیشن کو وزیراعظم پر گولہ باری کا موقع مل سکتا ہے۔

دوسری جانب جے آئی ٹی گزشتہ روز سپریم کورٹ کے رجسٹرا ر سے ملی اور اس معاملے پر تبادلہ خیال کیا اور معاملے کا ایک حل ڈھونڈ بھی نکالا لیکن ہمارے ذرائع کا کہنا ہے ٹیم پھر بھی کسی حتمی نتیجے پر نہیں پہنچی، اس لیے وہ بینچ سے ہدایت لے گی۔ خیال رہے سپریم کورٹ نے ٹیم کو اختیار دے رکھا ہے کہ وہ وزیراعظم، ان کے بیٹوں، اگر ضرورت پڑے تو وزیرخزانہ اسحاق ڈار،وزیراعظم کی صاحبزادی مریم نواز سے سوال کر سکتی ہے۔

علاوہ ازیں جے آئی ٹی نے قطری شہزادے جاسم بن جابر الثانی سے بھی عدالت میں پیش کیے گئے خطوط کے بارے میں پوچھنے کا فیصلہ کیا ہے، اس مقصد کیلیے قطر میں پاکستانی سفارتخانے سے رابطہ کیا جائے گا جو قطری شہزادے کو ٹیم کی گزارش سے آگاہ کرے گا کہ وہ جے آئی ٹی کے سامنے پیش ہونے کیلیے پاکستان تشریف لائیں۔

یہاں یہ بات دلچسپی سے خالی نہیں کہ سپریم کورٹ میں سماعت کے دوران شریف فیملی کے وکلا کہتے رہے ہیں کہ اگر عدالت طلب کرے گی تو شہزادہ پیش ہو جائے گا۔ اب دیکھنا ہوگا شہزادہ جے آئی ٹی سے تعاون کرتا ہے یا نہیں۔ پرسوں (22 مئی) کو عدالت ٹیم سے اب تک کی پیش رفت معلوم کرے گی اور یہ بھی پوچھے گی اسے کوئی مشکل تو پیش نہیں۔ اس دوران جے آئی ٹی میں شامل نیب کا نمائندہ نیب کے ان تفتیشی افسران سے ملاقاتیں کر رہا ہے جنھوں نے شریف فیملی سے 2000 کی دہائی میں تفتیش کی تھی، یہ وہ زمانہ ہے جب جنرل ( ر) مشرف کی حکومت تھی۔

واضح رہے کہ نیب کا نمائندہ اس وقت کے چیئرمین نیب لیفٹیننٹ جنرل(ر) منیر حفیظ سے بھی ملا ہے اور اس وقت کی تمام معلومات لی ہیں ، جے آئی ٹی کی تفتیش اور رویہ کا اندازہ سپریم کورٹ سے ملنے والی ہدایات کی روشنی سے ہی لگایا جا سکے گا۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

پاناما کیس میں وزیر اعظم کو جے آئی ٹی میں بلانے کیلیے عملدرآمد بینچ سے منظوری لی جائے گی

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب

پاناما کیس میں وزیر اعظم کو جے آئی ٹی میں بلانے کیلیے عملدرآمد بینچ سے منظوری لی جائے گی

ہمارے ساتھ شامل ہوں

مقبول خبریں

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب