فکشن اسٹوری نظر

آفس میں بھی ثناء کی مخروطی انگلیوں سے وہ نظریں نہ ہٹا سکا جو ’کی بورڈ‘ پر تواتر سے رواں تھیں۔

---

مسلسل گھورنے پر کالج یوینفارم والی لڑکی کا ملیح چہرہ غصے کے باعث سرخ ہورہا تھا، لیکن اب اُس کا اسٹاپ آگیا۔ وہ بھی بس سے اُترا اور دفتر کی راہ لی۔

استقبالیہ پر موجود خاتون پر نیلا رنگ اتنا جچ رہا تھا کہ وہ تکتا ہی چلا گیا۔ آفس میں بھی ثناء کی مخروطی انگلیوں سے وہ نظریں نہ ہٹا سکا جو 'کی بورڈ' پر تواتر سے رواں تھیں۔

موبائل بجا اور اُس نے فون کان سے لگایا۔ ماں نے خوشی سے بھرپور لہجے میں اطلاع دی

اللہ نے بہت پیاری بیٹی سے نوازا ہے تمہیں، نظر ہی نہیں ہٹتی!