بال عورت کا وہ قدرتی زیور ہیں جو حُسن اور شخصیت کو چارچاند لگادیتے ہیں۔

یہ زلف کی صورت رخساروپیشانی پر لہرائیں یا کمر پر بَل کھائیں، اپنی ہر ادا سے روپ کو نکھارتے ہیں۔ قدرت کا یہ حسین عطیہ اپنی اصل صورت میں بھی شخصیت کا نکھار ہے، مگر ذرا سی کوشش بالوں کو دل کشی اور انفرادیت کے نئے انداز عطا کردیتی ہے، جسے عرف عام میں ہیئر اسٹائل کہا جاتا ہے۔

ہیئر اسٹائل چہرے اور شخصیت کو خوب صورتی کے ساتھ انفرادیت بھی دیتا ہے۔ بالوں کے ہر نئے انداز کے ساتھ شخصیت بھی ایک الگ روپ میں ڈھل جاتی ہے۔ یوں محض گیسو حُسن کا عنوان بن کر اسے نیا روپ عطا کردیتے ہیں۔