ٹام ہڈلسٹن اور کانگ کے مجسمے مادام تساؤ میوزیم میں سج گئے

کنگ کانگ کا 2 منزلہ اونچا مجسمہ تاریخ کا سب سے بڑا مجسمہ قرار دیا گیاہے

Showbiz Desk March 09, 2017

مجسموں کو فلم کانگ سکل آئی لینڈ کی ریلیز کے موقع پر دس مارچ کو عوام کے لیے کھولا جائے گا۔ فوٹو : فائل

نیویارک میں مادام تساؤ عجائب گھر میں کنگ کانگ اور اداکار ٹام ہڈلسٹن کے مجسمے سجا دیے گئے۔

کنگ کانگ کا مجسمہ عجائب گھر کی تاریخ میں سب سے بڑا ہے۔ نیویارک میں مادام تساؤ کے عجائب گھر پہلی بار اتنا بڑا مجسمہ نصب کیا گیا ہے۔ یہ مجسمہ فلمی بن مانس کنگ کانگ کا ہے۔ اس کے ساتھ فلم کانگ سکل آئی لینڈ کے کردار اداکار ٹام ہڈلسٹن کا مجسمہ بھی لگا دیا گیا ہے۔

واضح رہے کہ دو منزلہ اونچا کانگ کا مجسمہ عجائب گھر کی تاریخ میں سب سے بڑا مجسمہ ہے، یہ اینی میٹڈ ہے، اس کی آنکھیں اس کے سامنے کھڑے شخص کی حرکت کے ساتھ ساتھ دائیں بائیں حرکت کرتی ہیں جبکہ وہ ہونٹ بھی ہلاتا ہے اور چنگھاڑتا بھی ہے۔

دونوں مجسموں کو جنگل کے سیٹ پر لگایا گیا ہے تاہم مجسموں کو فلم کانگ سکل آئی لینڈ کی ریلیز کے موقع پر دس مارچ کو عوام کے لیے کھولا جائے گا۔