زرداری دبئی بلاول امریکا سے واپسی پر انتخابی مہم چلائیں گے

آصف زرداری آئندہ ہفتے دبئی،بلاول لاہور ریلی کے بعد امریکا روانہ ہوجائیں گے

ملک سعید اعوان January 13, 2017

دونوں رہنماؤں کا مارچ کے پہلے ہفتے میں پارلیمنٹ میں آنے کا امکان ہے، ذرائع۔ فوٹو: فائل

پیپلزپارٹی پارلیمینٹیرین کے صدرآصف زرداری اورپیپلزپارٹی کے چیئرمین بلاول بھٹوزرداری ضمنی الیکشن کیلیے انتحابی مہم دورہ امریکا سے واپسی پر شروع کریں گے۔

آصف زرداری آئندہ ہفتے دبئی روانہ ہوں گے جبکہ بلاول لاہورکی ریلی کے بعد امریکا روانہ ہوجائیں گے۔ پارٹی ذرائع نے ایکسپریس کوبتایاکہ آصف زرداری آئندہ ہفتے دبئی روانہ ہونگے جس کے بعدوہ امریکاجائیں گے جہاں وہ ایک سے 2ہفتے قیام کریںگے۔

پارٹی کے چیئرمین بلاول بھٹوآج اسلام آبادسے کراچی اور پھردبئی روانہ ہوںگے جہاںسے وہ واپس لاہورآئیںگے اور19 جنوری کواحتجاجی ریلی میں شرکت کریںگے جس کے بعدوہ بھی امریکا روانہ ہوجائیںگے۔ دونوں رہنماؤں کی واپسی کے بعد پیپلزپارٹی کے2ایم این اے سے استعفے قومی اسمبلی میں جمع کرائیں گے۔

ذرائع کے مطابق دونوں رہنماؤں کا مارچ کے پہلے ہفتے میں پارلیمنٹ میں آنے کا امکان ہے تاہم یہ انتخابی شیڈول پرمنحصر ہے کہ کب انتخابات کرائے جاتے ہیں۔