’’ڈاکٹرسٹرینج‘‘مسائل کاشکارسینماانڈسٹری کیلیے ’’تنکے کاسہارا‘‘

مسحور کن ویژول ایفیکٹس اسے دیگر فلموں کی فرست میں نمایاں کرتے ہیں

نمرہ ملک November 07, 2016

فلم کاسیکوئل بنانے کا اعلان،بینڈکٹ کمبربیچ مشہورکردار’’تھور‘‘ کیساتھ نظر آئینگے، رپورٹ ۔ فوٹو : فائل

بالی ووڈ فلموں پر پابندی کے باعث مسائل کاشکار پاکستانی سینما گھروں کے لیے ہالی ووڈ فلم''ڈاکٹرسٹرینج'' تنکے کے سہارے کے مترادف ہے۔

اسکاٹ ڈیریکسن کی ہدایات میں بننے والی اس فلم میں بینڈکٹ کمبربیچ نے مرکزی کردار ادا کیا ہے جب کہ دیگر کاسٹ میں مائیکل اسٹال برگ، چیویٹل ایجیوفور، ریچل میکیڈم، میڈز میکلسین اورٹیلڈا سوائنٹن شامل ہیں۔ فلم کی کہانی سٹیون سٹرینج نامی ایک ایسے ماہر نیورو سرجن پر مبنی ہے جس کا کیرئیر ایک خطرناک کار حادثے کے بعد تباہ و برباد ہو جاتاہے کیونکہ اس کے ہاتھ مکمل طور پر کام نہیںکرپاتے تاہم وہ ہار نہیں مانتا اور حالات کامقابلہ کرتے ہوئے مشرقی ادویات کے لیے کھٹمنڈو نیپال پہنچ جاتا ہے تاہم اس تلاش کے دوران وہ مشرقی فنون کی غیر معمولی طاقت حاصل کر کے برائی کے خاتمے کی جنگ پر نکل پڑتا ہے۔

اس فلم کی کہانی کا پلاٹ دیگر سپر ہروز فلموں کی طرح ہے لیکن اسکے مسحور کن ویژول ایفیکٹس اسے دیگر فلموں کی فرست میں نمایاں کرتے ہیں اس لیے یہ کہنا غلط نہیںکہ یہ سپر ہیروز فلم میں تازہ ہوا کا جھونکا ہے، فلم کی ایک اور خاص بات اس کے مزاح اور معنی خیز برجستہ مکالمہ دیکھنے والوں کو فلم سے باندھے رکھتے ہیں ۔فلم کے آخر میں یہ یقین دہانی بھی کروائی گئی ہے کہ ''ڈاکٹر سٹرینج'' کا دوسرا سلسلہ بھی جلد فلم بینوں کے لیے پیش کیا جائیگا جس میں وہ ''تھور'' کے ساتھ اسکرین شیئر کرتے نظر آئیں گے۔ فلم 4 نومبر سے ملک بھر کے سینما گھروں میں پیش کی جارہی ہے۔