حنیف عباسی کے گھرجانیکاسوال ہی پیدا نہیں ہوتا شیخ رشید

آغاریاض کواس قابل نہیں سمجھتا کہ انکی کسی بات کا جواب دیاجائے،ایکسپریس سے گفتگو۔ فوٹو ایکسپریس

---

عوامی مسلم لیگ کے سربراہ شیخ رشید احمدنے کہا حنیف عباسی کے گھر جانیکا سوال ہی پیدا نہیں ہوتا ۔آغا ریاض الاسلام کواس قابل نہیں سمجھتا کہ انکی کسی بات کا جواب دیاجائے وہ ایکسپریس کے رابطہ کرنے پراخبارات میں چھپنے والے بیانات کے حوالے سے گفتگو کررہے تھے۔

۔شیخ رشیداحمدسے جب دریافت کیا گیا کہ آپ عوامی اجتماعات اورمیڈیامیں برملا اس امرکااظہار کر رہے ہیںکہ ان کے مسلم لیگ (ن )یا تحریک انصاف کے ساتھ انتخابی اتحادیا الحاق کے آپشن کھلے ہیں لیکن دوسری جانب نالہ لئی ایکسپریس وے اورٹی بی اسپتال، زچہ بچہ اسپتال سمیت دیگر منصوبوں کے التوااورانھیںنظر اندازکیے جانے پرمسلم لیگ ن کو شدید تنقید کا نشانہ بنارہے ہیں۔ انھوںنے کہاکہ ایساحقیقت پرمبنی ہے اس میں مرکز بھی اتنا ہی قصور وارہے جتناکوئی دوسری پارٹی۔

مسلم لیگ (ن)کے رکن قومی اسمبلی حنیف عباسی کے گھر جانے کے حوالے سے ایک سوال کے جواب میںشیخ رشیدنے کہاکہ مجھے کیاضرورت آن پڑی ہے کہ انکے گھرجائوں،ایساکیسے سوچا جاسکتا ہے۔ انھوں نے کہا ایسا ہو ہی نہیں سکتا۔ ن لیگ کے آغاریاض الاسلام کے حوالے سے انھوں نے کہا کہ انہیں اس قابل نہیں سمجھتا کہ ان کی کسی بات کا جواب دیا جائے ۔