پی ٹی آئی کا اسمبلیوں سے مستعفی ہونے کا فیصلہ متوقع

عمران خان کی اراکین کے استعفے جمع اور آج سے ملک بھر میں احتجاج کرنے کی ہدایت

Umair Ali Anjum October 28, 2016

کارکنان کے ساتھ اسلام آباد پولیس کے ناروا رویے کی معافی نہ مانگی تو تحریک انصاف احتجاجاً اسمبلیوں کی نشستوں سے مستعفی ہو جائے گی۔ فوٹو: فائل

تحریک انصاف نے اسلام آباد میں کارکنان کی گرفتاریوںکے خلاف ملک بھر میں احتجاج کے ساتھ آخری آپشن کے طور پر قومی اسمبلی، سینیٹ ، سمیت تینوں صوبائی اسمبلیوں (سندھ) (کے پی کے ) اور (پنجاب) کی نشستوں سے مستعفی ہونے کا فیصلہ کر لیا ہے، اسمبلیوں کے استعفے پارٹی چیئرمین عمران خان کی توثیق سے جمع کروائے جائیں گے۔

پی ٹی آئی کے ذرائع نے بتایا کہ حکومت کے رویے کیخلاف تحریک انصاف ہرصورت احتجاج کریگی اور اگر وفاقی حکومت نے جمعرات کو کارکنان کے ساتھ اسلام آباد پولیس کے ناروا رویے کی معافی نہ مانگی تو تحریک انصاف احتجاجاً اسمبلیوں کی نشستوں سے مستعفی ہو جائے گی۔

پی ٹی آئی کے چیئرمین عمران خان نے وزیراعلیٰ کے پی کے پرویز خٹک اور پی ٹی آئی کی مرکزی قیادت کو ہدایت کی ہے کہ تحریک انصاف کے اراکین اسمبلی کے استعفے جمع کیے جائیں اور آج سے ملک بھر میں احتجاج کا آغاز کیا جائے۔