مختلف ٹریفک حادثات اور واقعات میں خاتون سمیت6افراد ہلاک

مختلف ٹریفک حادثات اور واقعات میں خاتون سمیت6افراد ہلاک فائل فوٹو

---

شہر کے مختلف علاقوں میں ٹریفک حادثات اور واقعات میں خاتون سمیت6افراد ہلاک ہو گئے،تفصیلات کے مطابق ماڑی پور تھانے کی حدود حب ریور روڈ لکی چڑھائی کے قریب نامعلوم گاڑی کی ٹکر سے55 انور ولد حبیب اﷲ ہلاک ہو گیا،

پولیس کے مطابق متوفی اورنگی ٹاؤن کا رہائشی تھا،سکھن تھانے کی حدود بھینس کالونی قاسم ٹاؤن میں واقع بھینسوں کے باڑے میں پانی کی موٹر چلاتے ہوئے17 گوالا منظور علی ولد رحمن علی کرنٹ لگنے سے ہلاک ہو گیا، پاکستان بازار تھانے کی حدود اورنگی ٹاؤن نمبر14 گلشن ضیاکی رہائشی22سالہ راحت دختر ابو البشر نے گھریلو پریشانیوں کے باعث گلے میں رسی کا پھندا ڈال کر پنکھے کے کنڈے سے لٹک کر خودکشی کر لی، متوفیہ کی لاش عباسی شہید اسپتال لائی گئی

جہاں سے موت کی تصدیق کے بعد لاش ورثا پولیس کارروائی کے بغیر لے گئے،کورنگی نمبر ڈیڑھی سیکٹر32/B مکان نمبر HA/13کے رہائشی18سالہ آصف ولد عبد الغفور نے گھریلو پریشانیوں سے تنگ آکر خودکشی کرلی،سچل کے علاقے سہراب گوٹھ سپرہائی وے انڈس پلازہ کے قریب نامعلوم گاڑی کی ٹکر سے 35 سالہ امین خان ہلاک ہو گیا،پولیس کے مطابق متوفی سہراب گوٹھ الا آصف اسکوائر کا رہائشی تھا،علاوہ ازیں ماڑی پور کے علاقے حب ریور روڈ پر نامعلوم گاڑی کی ٹکر سے30 سالہ محمود ولد قطب الدین ہلاک ہو گیا۔