پی آئی اے کوکمپنی بنانے کابل سینیٹ سے مستردہونے پرمشترکہ اجلاس بلایا جائیگا

مشترکہ اجلاس بلانے کی صورت میں حکمران جماعت کو بل کی منظوری کے لیے مطلوبہ عددی اکثریت باآسانی حاصل ہو سکے گی.

ملک سعید اعوان February 17, 2016

مشترکہ اجلاس بلانے کی صورت میں حکمران جماعت کو بل کی منظوری کے لیے مطلوبہ عددی اکثریت باآسانی حاصل ہو سکے گی.فوٹو:فائل

MADRID: وفاقی حکومت نے پی آئی اے کو کارپوریٹ کمپنی میں تبدیل کرنے کیلیے حکمت عملی تیار کرلی ہے۔ذرائع کے مطابق حکمت عملی کے تحت ابتدائی طور پر وفاقی حکومت قومی اسمبلی سے منظور شدہ پی آئی اے بل کو سینیٹ کے آئندہ اجلاس میں پیش کریگی.

بل سینیٹ سے مسترد ہونے کی صورت میں آئین کے تحت قومی اسمبلی اورسینیٹ کا مشترکہ اجلاس بلاکربل کو پیش کیا جائیگا ۔ مشترکہ اجلاس بلانے کی صورت میں حکمران جماعت کو بل کی منظوری کے لیے مطلوبہ عددی اکثریت باآسانی حاصل ہو سکے گی.

واضح رہے کہ اس سے قبل سینیٹ نے پی آئی اے کو کارپوریٹ کمپنی بنانے کے بل کی مخالفت کرتے ہوئے اسے مسترد کیا تھا اب حکمران جماعت اپنی حکمت عملی کے تحت اس بل کو منظور کرنا چاہتی ہے۔