فریال تالپورکی جگہ آصفہ کو پیپلزپارٹی خواتین ونگ کی سربراہ بنانے پرغور

پارٹی آصفہ کو شعبہ خواتین کا سربراہ بنانے پر بھی غورکررہی ہے

ملک سعید اعوان January 13, 2016

پارٹی آصفہ کو شعبہ خواتین کا سربراہ بنانے پر بھی غورکررہی ہے :فوٹو: فائل

پاکستان پیپلز پارٹی نے سابق وزیراعظم شہید بینظیر بھٹو کی چھوٹی صاحبزادی آصفہ بھٹو زرداری کو سرگرم کرنے کافیصلہ کرتے ہوئے پیپلزپارٹی خواتین ونگ کا سربراہ بنانے پر غور شروع کر دیا اور امکان ہے کہ انھیں جلد اس عہدے پر فائز کر دیا جائیگا۔

ذرائع نے ایکسپریس کو بتایا کہ پیپلزپارٹی نے آصف زرداری کی بیرون ملک قیام کے دوران بلاول کیساتھ آصفہ کو بھی سرگرم کرنے کا فیصلہ کیاگیا ہے تاکہ پارٹی کو دوبارہ آرگنائزکیاجا سکے ۔ذرائع کے مطابق پارٹی آصفہ کو شعبہ خواتین کا سربراہ بنانے پر بھی غورکررہی ہے اوراعلیٰ سطح پر فیصلہ بھی کر لیا گیا ہے۔اس وقت آصف زرداری کی ہمشیرہ فریال تالپورشعبہ خواتین کی صدر ہیں ۔واضح رہے کہ بلاول کی دوسری ہمشیرہ بختاور پیپلزپارٹی سوشل میڈیا ونگ کی سربراہ ہیں۔