پاکستان ریلوے میں ملازمت کے امیدوار آزمائش میں مبتلا

محکمہ ریلوے نے امیدواروں کو درخواستیں بذریعہ ڈاک اسلام آبادارسال کرنے کی ہدایت کی ہے جبکہ آخری تاریخ 24 جولائی ہے

Umair Ali Anjum July 23, 2015

ریلوے نے درخواست کوبذریعہ ڈاک بھیجنے کی شرط رکھی ہے جس کے باعث امیدواروں کو شدید مشکلات کا سامنا کرنا پڑرہا ہے ۔ فوٹو: فائل

HYDERABAD: پاکستان ریلوے نے مختلف پوسٹوں پر ایک ہزار 475 ملازمتوں کا اعلان کیا ہے لیکن اس کے ساتھ ہی امیدواروں کوآزمائش میں بھی مبتلاکردیاہے،

محکمہ ریلوے نے ملازمتوں کے امیدواروں کو درخواستیں بذریعہ ڈاک اسلام آبادارسال کرنے کی ہدایت کی ہے جبکہ درخواست بھیجنے کی آخری تاریخ کل بروزجمعہ 24 جولائی ہے۔ امیدواروں کا کہنا ہے کہ اتنے کم وقت میں درخواست بھیجنا ممکن نہیں ہے ، عیدالفطرکی 5 چھٹیوں کے بعد آج اگردرخواست بھیجی جائے گی تو اشتہارکے مطابق دیا گیا وقت نکل جائے گا لہذاتاریخ میں توسیع کی جائے۔

ریلوے نے درخواست کوبذریعہ ڈاک بھیجنے کی شرط رکھی ہے جس کے باعث امیدواروں کو شدید مشکلات کا سامنا کرنا پڑرہا ہے۔ایک درخواست کواسلام آباد ارسال کرنے پر کم و بیس ایک ہزارروپے خرچ ہورہے ہیں، امیدواروں کا کہنا ہے کہ اتنی شرائط اور مشکلات کے بعد اگر امیدوار کو نوکری نہ ملے تو تکلیف ہوگی جب کہ ریلوے ورکرزیونین کے عہدیداران نے محکمہ ریلوے سے مطالبہ کیاہے کہ ڈویژن کی سطح پربھرتیاں اور مقررہ تاریخ میں توسیع کی جائے۔