کسان بنئے اور اپنا قرضہ معاف کرایئے

امریکا میں زیادہ سے زیادہ افراد کو کاشتکاری کی طرف راغب کرنے کے اقدامات کئے جا رہے ہیں۔ فوٹو: فائل

---

امریکا نے اپنے شہریوں کو کاشتکاری کی طرف راغب کرنے کے لئے طلبا کو قرضہ معاف کرنے کا فیصلہ کیا ہے۔

امریکا میں جہاں تقریباً 30 فیصد کسان 65 سال سے زیادہ عمر کے اور صرف دس فیصد 35 سال سے کم عمر کے ہیں، امریکی کانگریس میں بہت جلد ایک نیا بل بھی پیش کیا جانے والا ہے جس کے تحت وہ طلبا جو 10 سال کسانوں کی زندگی گزار چکے ہوں گے اور اسی دوران انھوں نے اپنے قرضے کی قسطوں کی ادائیگی کی ہوگی، باقی قرضہ معاف کر دیا جائے گا۔ اس مقصد سے پبلک سروس لون فور گیوینس اسکیم میں کسانوں کو بھی شامل کیا جا رہا ہے۔