یورپ کے مشہور شہر جرمنی میں آباد ہوگئے

ماڈل شہر میں ایئرپورٹس پر رات کے وقت چھوٹے ہوائی جہاز رن وے سے اڑان بھرتے دکھائی دیتے ہیں

سہیل یوسف March 17, 2015

ماڈلز شہر کی تخلیق کے اگلے مرحلے میں یورپ، افریقہ، مشرق، وسطیٰ اور ایشیا پر بھی کام کیا جائے گا

جرمنی کے ماہرین نے یورپی شہروں کے ایسے چھوٹے متحرک ماڈل تیار کرلیے ہیں جن میں کئی شعبہ زندگی کو دوڑتے بھاگتے دکھایا گیا اور اسے دیکھنے والے حیرت کی تصویر بن گئے ہیں۔

https://img.express.pk/media/images/image-218312-galleryV9-bvce/image-218312-galleryV9-bvce.webp

جرمنی کے شہر ہیمبرگ میں ان چھوٹے ماڈل شہروں میں دن کے علاوہ رات کی زندگی بھی دیکھی جاسکتی ہے جب کہ ماڈلز میں شہروں کو ان کی اصل شکل میں ڈھلتے وقت، آبادی، مکانات، باغ، اہم عمارات اور ٹریفک بھی دکھایا گیا ہے لیکن ان میں سے اکثر ماڈل اس طرح حرکت کرتے ہیں کہ وہ ہر منظر میں گویا جان ڈال دیتے ہیں جن میں ایئرپورٹس پر رات کے وقت چھوٹے ہوائی جہاز رن وے سے اڑان بھرتے دکھائی دیتے ہیں جب کہ رات ہوتے ہی یہاں تفریحی مقامات کھل جاتے ہیں اور لوگوں کی چہل پہل شروع ہوجاتی ہے۔

https://img.express.pk/media/images/flughafen-terminals-parkhau/flughafen-terminals-parkhau.webp

ماہرین نے اپنی اس تخلیق میں حقیقی زندگی کے رنگ بھرے ہیں جس میں خوشی اور غم دونوں کو دکھایا گیا ہے، ماڈل شہر میں حادثات کو بھی دیکھا جاسکتا ہے اس کے علاوہ اس میں شامل ایک بلڈنگ میں آگ لگتی دیکھی جاسکتی ہے جس کے فوری بعد عام زندگی کی طرح اس ماڈل شہر میں بھی فائربریگیڈ سائرن بجاتی موقع پر پہنچ جاتی ہے۔

https://img.express.pk/media/images/city-1/city-1.webp

ماہرین نے ان ماڈلز میں خوبصورتی کو مد نظر رکھا ہے جس میں سوئزرلینڈ کی برفیلی پہاڑیاں بھی دکھائی گئی ہیں جب کہ امریکی اور اسکینڈی نیویا کے اہم نقوش اور ان کی آبادی کو ان کے قومی لباس میں دیکھا جاسکتا ہے۔ ان ماڈلز کی حیران کردینے والی بات یہ بھی ہے کہ آپ بٹن دبا کر اس چھوٹے سے شہر میں چلنے والے ٹریفک کو خود بھی کنٹرول کرسکتے ہیں اور چیزوں کو حرکت دے سکتے ہیں۔

https://img.express.pk/media/images/image_542/image_542.webp

شہروں کے ان ماڈلز میں روز مرہ کے رنگ بھی دکھائی دیتے ہیں جہاں ایک مقام پر لوگوں کو درخت کاٹتے اور پھر درخت کو زمین پر گرتے بھی دیکھا جاسکتا ہے جب کہ امریکا میں گھروں کے باہر کرسمس درخت روشنی سے جگمگاتے بھی نظر آتے ہیں۔ ماہرین نے اٹلی کے شہر روم کے ایک حصے کو بنانے کے لیے اس شہر کی ہزاروں تصاویر لے کر اسے تعمیر کیا۔

https://img.express.pk/media/images/miniatur_wunderland/miniatur_wunderland.webp

ماہرین کی اس جدید تخلیق کو ''چھوٹا حیرت کدہ'' یعنی منی ایچر ونڈرلینڈ کا نام دیا گیا ہے جس میں فی الحال یورپ کے کچھ بڑے شہروں کے چند حصوں کو ماڈل کی صورت میں دکھایا گیا ہے جب کہ اسی طرح اگلے مرحلے میں فرانس اور یورپ کے دیگر شہر بنائے جائیں گے اور اس کے بعد یورپ، افریقہ، مشرق، وسطیٰ اور ایشیا پر بھی کام کیا جائے گا۔