ایکسپریس پبلیکیشنز کی ’جوش کرکٹ ورلڈ کپ اسکیم‘ میں انعامات کی بارش جاری

سری لنکا، افغانستان اور بھارت، افریقہ میچوں میں لاہور کے حسن، اوکاڑہ کے اصغر اور قصورکی 7 سالہ حمنہ نے انعامات جیت لیے

Numaindgan Express/Express Report February 24, 2015

ایکسپریس پبلیکیشنز اور میکڈونلڈز پاکستان کی جانب سے لاہور میں حسن کو ایسوسی ایٹ ڈائریکٹر مارکیٹنگ مس شرمین خرم، قصور میں حمنہ کو نمائندہ ایکسپریس مہر جاوید اور اوکاڑہ میں چوہدری اصغر کو نمائندہ ایکسپریس راناعتیق انعامات دے رہے ہیں۔ فوٹو: ایکسپریس

ایکسپریس پبلیکیشنز، میکڈونلڈ پاکستان اور فاسٹ فوڈ مارکیٹنگ کے تعاون سے جاری ''جوش کرکٹ ورلڈکپ انعامی اسکیم'' میں انعامات کی برسات کا سلسلہ جاری ہے۔

ورلڈکپ2015 کے سلسلے میں اتوار کو کھیلے گئے سری لنکا اور افغانستان کے میچ میں لاہور کے حسن نے3 میں سے2 سوالات کے جواب دے کر بڑی فوڈ فیکٹری جیت لی، اسی میچ کے حوالے سے اوکاڑہ کے چوہدری محمد اصغر نے ایک سوال کا جواب دے کر چھوٹی فوڈ فیکٹری جیتی۔ جنوبی افریقہ اور بھارت کے میچ میں قصور کی 7 سالہ حمنہ نے ایک سوال کا جواب دے کر جوسر بلینڈر جیت لیا۔ لاہور میں ایسوسی ایٹ ڈائریکٹر مارکیٹنگ مس شرمین خرم اور قصور، اوکاڑہ میں نمائندگان ایکسپریس مہر جاوید اور رانا عتیق نے جیتنے والوں کو انعامات دیے۔

https://img.express.pk/media/images/Express-prize/Express-prize.webp

اس موقع پر جیتنے والوں نے ایکسپریس پبلیکیشنز اور میکڈونلڈ پاکستان کا شکریہ اداکیا اور ایکسپریس نیوز، روزنامہ ایکسپریس کی تعریف کرتے ہوئے کہا کہ عوامی مسائل ہوں یا کھیل کا میدان، ایکسپریس گروپ اپنی مثال آپ ہے۔ ڈسٹر کٹ رپورٹر کے مطابق قصور کے ایک دور دراز کے گاؤں سے تعلق رکھنے والی دوسری کی طالبہ حمنہ نے ایکسپریس نیوز کے پروگرام ''جوش جگا دے'' کرکٹ ورلڈ کپ انعامی اسکیم میں جوسر بلینڈر جیت لیا۔

حمنہ نے ایکسپریس سے گفتگو کرتے ہوئے کہا کہ ایکسپریس نے میری اور میری امی کی دلی خواہش پوری کر دی، ہمارے گھر میں فوڈ فیکٹری نہیں تھی اور جب بھی میں اپنی امی کو جوس بنانے کا کہا تو امی کہتیں دعا کرو کہ اللہ ہمیں جوسر دے تو میں آپکو جوس پلاؤں گی، اللہ تعالی نے ایکسپریس پبلکیشنز کے ذریعے میری دعا سن لی، شکریہ ایکسپریس۔ یاد رہے کہ ایکسپریس کی ورلڈ کپ انعامی اسکیم شروع ہونے کے بعد ایک ہفتہ سے کم عرصہ میں قصور کے 3 خوش نصیبوں نے انعامات جیت لیے ہیں۔ اوکاڑہ سے ڈسٹرکٹ رپورٹرکے مطابق چوہدری محمد اصغر گجر ضلعی الیکشن آفس میں بطور آفیسر خدمات سر انجام دے رہے ہیں۔

https://img.express.pk/media/images/Express-prize1/Express-prize1.webp

اس موقع پر انھوں نے کہا کہ ایکسپریس پبلیکیشنز نے ورلڈ کپ میں انعامات کی برسات کر کے انپے ناظرین اور قارئین کے دل جیت لیے ہیں۔ واضح رہے ''جوش کرکٹ ورلڈکپ کا اور انعام ایکسپریس، میکڈونلڈ کے '' اسکیم کے تحت اب تمام میچز کے دوران 3 آسان سوالوں کے درست جواب دینے پر موٹرسائیکلیں، ریفریجریٹر، فریزر، مائیکرو ویو اوون، ایل سی ڈی، اے سی و دیگر انعامات دیے جائیں گے۔ صرف میچ شروع ہونے سے قبل ایس ایم ایس کے ذریعے موصول ہونے والے جوابات کو قرعہ اندازی کا حصہ بنایا جاتا ہے اور نتائج روزنامہ ایکسپریس، ایکسپریس ٹریبیون اور روزنامہ سندھ ایکسپریس میں شائع کیے جاتے ہیں۔