’’ پی کے ‘‘ کے ڈائریکٹر راجکمار ہیرانی اگلے ماہ کراچی آئینگے

راج کمار ہیرانی کے والدین کا تعلق سندھ کے شہر محرابپور سے ہے جو تقسیم کے بعد ناگ پور مہاشٹرا شفٹ ہوگئے تھے۔

Javed Yousuf February 20, 2015

راج کمار ہیرانی کے والدین کا تعلق سندھ کے شہر محرابپور سے ہے جو تقسیم کے بعد ناگ پور مہاشٹرا شفٹ ہوگئے تھے۔ فوٹو : فائل

معروف بھارتی پروڈیوسر راج کمار ہیرانی اگلے ماہ کراچی آئیں گے۔

تفصیلات کے مطابق معلوم ہوا ہے فلم ''منا بھائی ایم بی بی ایس'' ، ''تھری ایڈیٹس'' اور حال ہی میں بلاک باسٹر فلم ''پی کے ''کے پروڈیوسر راج کمار ہیرانی آئندہ ماہ مارچ میں کراچی آرٹس کونسل کی دعوت پر آرہے ہیں۔ راج کمار ہیرانی کے والدین کا تعلق سندھ کے شہر محرابپور سے ہے جو تقسیم کے بعد ناگ پور مہاشٹرا شفٹ ہوگئے تھے۔ انھوں نے اپنے انٹرویو میں والدین کے آبائی شہر سندھ محرابپور کا ذکر کیا اور اسے دیکھنے کی خواہش کا بھی اظہار کیا۔

فلم ''پی کے'' میں پاکستانی لڑکے کے ساتھ ہندو لڑکی کی محبت کے حوالے سے بھی ان کا کہنا تھا کہ یہ انھوں نے پاک بھارت دوستی کے تناظر میں دکھایا ہے کیونکہ وہ چاہتے ہیں کہ دونوں ممالک کے درمیان سیاست، کھیل سمیت ہر شعبہ میں مستحکم تعلقات ہوں۔