پاکستان آنے کو بڑا دل کرتا ہے’’سپر نانی‘‘ اسٹار شرمن جوشی

پاکستان کی مہمان نوازی اور کھانوں کا بہت چرچا سن رکھا ہے، شرمن جوشی نے

Javed Yousuf November 17, 2014

لاہور کی گوالمنڈی میں سسر پریم چوپڑا کا گھر دیکھنا چاہتا ہوں،شرمن جوشی۔ فوٹو: فائل

بالی ووڈ اداکار شرمن جوشی نے ایکسپریس سے ٹیلی فون پر خصوصی گفتگو کرتے ہوئے کہا ہے کہ ''مجھے پاکستان آکر اچھا لگے گا'' میرے سسر پریم جی کی بہت سی یادیں وابستہ ہیں، ''سپرنانی'' میں ریکھا کے ساتھ کام کرنا اپنے لیے اعزاز سمجھتا ہوں۔

''نمائندہ ایکسپریس'' سے بات کرتے ہوئے شرمن جوشی نے کہا کہ پاکستان کی مہمان نوازی اور کھانوں کا بہت چرچا سن رکھا ہے ، میرے سسر پریم چوپڑا جن کا آبائی گھر لاہور کے علاقہ گوالمنڈی میں ہے اور وہ اپنے اس آبائی گھر کے ساتھ جڑی یادوں کا ہمیشہ تذکرہ کرتے رہتے ہیں ۔ایک سوال کے جواب میں شرمن جوشی نے کہا کہ ریکھا کے ساتھ اسکرین شیئر کرکے بہت مزہ آیا ہے مجھے اس سے کوئی غرض نہیں کہ فلم باکس آفس پر اچھی نہیں گئی ،میرے لیے ریکھا جی کے ساتھ کام کرنا ہی بڑی اچیومنٹ سمجھتا ہوں۔