میس میں انتہائی غیر معیاری کھانا فراہم کیا جاتا ہے

باسی کھانا کھانے سے متاثر ہونے والے اہلکاروں نے کہا ہے کہ میس کے مینو پر عمل نہیں کیا جاتا تھا۔ فوٹو: ایکسپریس

---

پولیس ٹریننگ سینٹر رزاق آباد میں باسی کھانا کھانے سے متاثر ہونے والے اہلکاروں نے کہا ہے کہ میس کے مینو پر عمل نہیں کیا جاتا تھا۔

ہفتے میں5دن دال، چنا اور انڈا چنا ہی فراہم کیا جاتا تھا، زیر تربیت اہلکاروں نے نام ظاہر نہ کرنے کی شرط پر ایکسپریس کو بتایا کہ میس مینو کے مطابق ہفتے میں2دن چکن، ایک دن گوشت اور باقی دن دال، چاول اور انڈا چنا فراہم کیا جانا چاہیے۔

لیکن مذکورہ مینو کی بدترین خلاف ورزی کی جاتی تھی،انتہائی غیر معیاری کھانا فراہم کیا جاتا تھا، ایک وقت کا بچا ہوا کھانا اگلے وقت میں پکائے جانے والے کھانے میں ملادیا جاتا تھا۔