ممبئی: بھارت کی مشہور کامیڈی فلم سیریز ہاؤس فل کی پانچویں قسط، ہاؤس فل 5، اپنے اختتامی شیڈول میں داخل ہوگئی ہے۔ فلم کی ٹیم نے اس موقع پر ایک یادگار تصویر جاری کی ہے جس میں بالی وڈ کے بڑے ستارے شامل ہیں۔
ہاؤس فل 5 بالی وڈ کی پہلی فلم سیریز ہے جو اپنی پانچویں قسط تک پہنچی ہے۔ یہ فلم عیش و عشرت سے بھرپور کروز پر لندن، فرانس، اسپین اور یو کے کے دلکش مقامات پر فلمائی گئی ہے، جسے شائقین کے لیے مزاح اور تفریح کا نیا معیار قرار دیا جارہا ہے۔
اس فلم میں بالی وڈ کے بڑے نام شامل ہیں جن میں اکشے کمار، رتیش دیشمکھ، ابھیشیک بچن، فردین خان، جیکلین فرنانڈس، سونم باجوا، نرگس فخری، سنجے دت، جیکی شروف، نانا پاٹیکر، چنکی پانڈے، جانی لیور، شریاس تلپڑے، دینو موریا، چترانگدا سنگھ، رنجیت، سوندریا شرما، نکیتن دھیر اور دیگر شامل ہیں۔ فلم کے ہدایت کار ترن منسوکھانی ہیں۔
فلم کی ریلیز 6 جون 2025 کو متوقع ہے۔