کراچی:
پولیس کے اینٹی وہیکل لفٹنگ سیل ( اے اے ایل سی ) نے کارروائی کرتے ہوئےموٹرسائیکل چھیننے والے گینگ کے چار ملزمان گرفتار کرکے چوری شدہ تین موٹرسائیکلیں برآمد کرلیں۔
پولیس کے مطابق گرفتار کیے گئے ملزمان میں ارباز علی، نبی بخش،شان اور عثمان شامل ہیں جو عادی جرائم پیشہ اور نشہ کے عادی ہیں اور متعددبارگرفتارہوکرجیل جاچکے ہیں۔
پولیس کے مطابق ملزمان سے برآمد کی گئی تین موٹرسائیکلیں شہر کے مختلف علاقوں سے چوری کی گئی تھیں۔
پولیس کا کہنا ہے کہ ملزمان موٹرسائیکلیں پارٹس کی صورت میں کباڑیوں کو فروخت کردیتے ہیں، ملزمان کے ساتھیوں کی گرفتاری اور مزید گاڑیوں کی بر آمدگی کےلیے چھاپے مارے جارہے ہیں۔