تامل فلم انڈسٹری کی مشہور اداکارہ رشمیکا مندنا نے وجے دیوراکونڈا کے ساتھ تعلقات کی افواہوں پر تصدیق کا اشارہ دے دیا۔
بھارتی میڈیا کے مطابق اداکارہ رشمیکا مندنا نے حال ہی میں اپنے ساتھی اداکار وجے دیوراکونڈا کے ساتھ تعلقات کی افواہوں کو بالواسطہ طور پر تسلیم کیا ہے۔
ایک تقریب کے دوران میزبان نے رشمیکا سے سوال کیا کہ وہ جس شخص سے شادی کرنا چاہتی ہیں، کیا وہ فلم انڈسٹری سے تعلق رکھتا ہے؟ اس پر رشمیکا نے مسکراتے ہوئے کہا، ’سب کو معلوم ہے،‘ لیکن انہوں نے وجے دیوراکونڈا کا نام براہ راست لینے سے گریز کیا۔
اداکارہ کے اس انٹرویو سے ایک دن قبل ہی ان کی اداکار وجے دیوراکونڈا کے ساتھ ’لنچ دیٹ‘ کی تصویر وائرل ہوئی تھی، جس سے ان کے تعلقات کی افواہیں مزید زور پکڑ گئیں۔
مزید گفتگو کے دوران میزبان نے رشمیکا سے ان کے پسندیدہ انسان کے بارے میں اور ان کے شادی کے خوابوں کے بارے میں سوالات کیے۔ رشمی کا نے کہا، ’مجھے معلوم ہے کہ آپ یہی جواب چاہتے ہیں‘ تاہم اداکار نے مزید سوالات کا واضح جواب دینے سے پرہیز کیا۔
یاد رہے کہ رشمیکا اور وجے دیوراکونڈا کے درمیان تعلقات کی افواہیں کافی عرصے سے زیرِ گردش کر رہی ہیں لیکن دونوں نے کبھی بھی اپنے تعلق کو دنیا کے سامنے یا سوشل میڈیا پر باقائدہ طور پر تسلیم نہیں کیا تاہم ان کے مداحوں میں یہ جوڑی کافی مقبول ہے اور وہ اکثر سوشل میڈیا پر ان کی تصویریں اور ویڈیوز شیئر کرتے ہیں۔