روینہ ٹنڈن اپنی نئی فلم میں کارتک آریان کے ساتھ نظر آئیں گی

بالی ووڈ کی مشہور اداکارہ روینہ ٹنڈن، جو 2022 میں "کے جی ایف: چیپٹر 2" میں اپنی زبردست اداکاری سے ناظرین کا دل جیت چکی ہیں، ایک بار پھر خبروں میں ہیں۔ 

اطلاعات کے مطابق، وہ کارتک آریان کی فلم "پتی پتنی اور وہ 2" میں ایک خاص اور دلکش کردار ادا کرنے کے لیے بات چیت کر رہی ہیں۔

ذرائع کے مطابق، روینہ  کو مدثر عزیز کی ہدایتکاری میں بننے والی اس کامیڈی فلم میں ایک ایسا کردار دیا جا رہا ہے جو کہانی میں دلچسپ موڑ پیدا کرے گا۔ 

یہ فلم فی الحال اسکرپٹنگ کے مرحلے میں ہے اور اس کی شوٹنگ گرمیوں 2025 میں شروع ہونے کی امید ہے۔ بتایا جا رہا ہے کہ "پتی پتنی اور وہ 2" میں کارتک آریان کے ساتھ بھومی پڈنیکر بھی مرکزی کردار میں نظر آئیں گی۔

اداکارہ کے اس پروجیکٹ میں شامل ہونے کی حتمی تصدیق جنوری 2025 تک متوقع ہے۔ کارتک آریان، جو فرنچائز فلمز میں کامیابی حاصل کر چکے ہیں، اس پراجیکٹ کو بھی اپنی اگلی بڑی فلم کے طور پر دیکھ رہے ہیں۔