کیا رنبیر کپور دھوم 4 میں جلوہ گر ہوں گے؟ ایکشن ویڈیو نے مداحوں کو حیرت میں ڈال دیا

بالی ووڈ اسٹار رنبیر کپور کی ایک وائرل ویڈیو نے مداحوں کے درمیان قیاس آرائیوں کا طوفان کھڑا کر دیا ہے۔ 

ویڈیو میں رنبیر کو ایک شاندار ایکشن سین کرتے ہوئے دکھایا گیا ہے، جس میں وہ گولیوں سے بچتے ہوئے ایک سیف ہاؤس تک پہنچتے ہیں۔ اس کلپ نے سوشل میڈیا پر دھوم مچا دی ہے، اور مداح یہ سوال کر رہے ہیں کہ کیا یہ دھوم 4 کا کوئی منظر ہے؟

وائرل ویڈیو پر مداحوں نے فوری ردعمل دیا۔ ایک صارف نے تبصرہ کیا، "یہ دھوم 4 ہے کیا؟" جبکہ دوسرے نے یقین سے لکھا، "یقینی طور پر دھوم 4۔" کچھ مداحوں نے اس کلپ کو سلمان خان کی ٹائیگر سیریز سے تشبیہ دی اور کہا، "یہ ایک تھا ٹائیگر جیسا لگ رہا ہے۔"

ذرائع کے مطابق، ویڈیو کسی فلم کا منظر نہیں بلکہ ایک اشتہار کی شوٹنگ کی ہے۔ تاہم، مداح اس کلپ کو دھوم 4 سے جوڑ کر رنبیر کے ایکشن ہیرو کے طور پر دیکھنے کے لیے بےچین ہیں۔

رنبیر نے حال ہی میں رامائن: پارٹ 1 کی شوٹنگ مکمل کی ہے اور اب سنجے لیلا بھنسالی کی فلم لو اینڈ وار پر کام کر رہے ہیں، جس میں عالیہ بھٹ اور وکی کوشل بھی شامل ہیں۔