بوٹ بیسن سگنل کے قریب ٹریفک حادثے میں بزرگ راہگیر خاتون جاں بحق ہوگئی۔
تفصیلات کے مطابق بوٹ بیسن سگنل غیر ملکی فاسٹ فوڈ ریسٹورینٹ کے قریب ٹریفک حادثے میں بزرگ خاتون جاں بحق ہوگئی جس کی لاش چھیپا کے رضا کاروں کی جانب سے ضابطے کی کارروائی کے لیے جناح اسپتال پہنچائی گئی۔
ریسکیو حکام کا کہنا ہے کہ متوفیہ راہگیر تھی جس کی شناخت 70 سالہ زبیدہ بی بی کے نام سے کی گئی ہے جبکہ حادثہ نامعلوم گاڑی کی ٹکر سے پیش آنے کا بتایا جا رہا ہے تاہم پولیس واقعہ کی مزید تحقیقات کر رہی ہے۔