پاکستان پیپلزپارٹی کے چیئرمین بلاول بھٹو زرداری سے سندھ حکومت کے سینئر وزیر شرجیل انعام میمن نے بلاول ہاؤس میں ملاقات کی، ملاقات میں شرجیل میمن نے بلاول بھٹو کو صوبائی حکومت کی کارکردگی کو اجاگر کرنے سے متعلق اقدامات پر بریفنگ دی۔
شرجیل میمن کا چیئرمین بلاول بھٹو کو بریفنگ دیتے ہوئے کہنا تھا کہ سندھ میں عوام کی خدمت کے تسلسل کے عمل کو اجاگر کرنے کے لیے صوبائی محکمہ اطلاعات اپنے فرائض ادا کررہا ہے، سندھ میں پبلک ٹرانسپورٹ کا جال بچھایا جارہا ہے اور اس سلسلے میں پیدا ہونے والے عوامی مسائل کو بھی ترجیحی بنیادوں پر حل کیا جارہا ہے۔
اس موقع پر چیئرمین بلاول بھٹو زرداری کا کہنا تھا کہ عوامی مسائل کے حل کے ساتھ ساتھ عوام میں اس احساس کو بھی مزید اجاگر کرنا ضروری ہے کہ حکومت ہر قدم پر عام آدمی کے ساتھ کھڑی ہے۔