اسلام آباد ہائیکورٹ میں پی ٹی آئی ایم این اے مبین عارف کی 2مختلف کیسز میں حفاظتی ضمانت منظور

ہائیکورٹ نے بیرون ملک گئے پی ٹی آئی ایم این اے کو 11 نومبر تک عدالت میں سرنڈر کرنے کا حکم دیا


ویب ڈیسک November 06, 2024
فوٹو : فیس بک

اسلام آباد:

اسلام آباد ہائی کورٹ نے بیرون ملک گئے پی ٹی آئی ایم این اے مبین عارف جٹ کی دو مختلف کیسز میں حفاظتی ضمانت منظور کر لی۔

ہائی کورٹ نے مبین عارف جٹ کی ایئرپورٹ پر گرفتاری سے روکتے ہوئے پی ٹی آئی ایم این اے کو 11 نومبر تک عدالت میں سرنڈر کرنے کا حکم دیا۔

عدالت نے حکم دیا کہ 11 نومبر کو اس عدالت میں پیش ہوں پھر متعلقہ عدالت میں پیشی کے لیے حفاظتی ضمانت دیں گے۔

مبین عارف جٹ کے خلاف گجرانوالہ میں دو مقدمات درج ہیں، ایک کیس کی سماعت جسٹس محسن اختر کیانی جبکہ دوسرے کیس کی سماعت جسٹس طارق محمود جہانگیری نے کی۔ مبین عارف جٹ کی جانب سے وکیل آمنہ علی ایڈووکیٹ اور رضوان اختر ایڈووکیٹ عدالت میں پیش ہوئے۔

جسٹس طارق محمود جہانگیری نے 50 ہزار جبکہ جسٹس محسن اختر کیانی نے 20 ہزار روپے کے مچلکے جمع کروانے کا حکم دیا۔

واضح رہے کہ پی ٹی آئی ایم این اے مبین عارف جٹ اس وقت بیرون ملک ہیں۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں