لاہورائیرپورٹ پر شارجہ جانے والے مسافر سے 670 گرام ہیروئن بھرے کیپسولز برآمد کر لیے گئے۔
ترجمان اینٹی نارکوٹکس فورس ( اے این ایف) کے مطابق راولپنڈی میں کورئیر کے آفس میں برطانیہ سے بھیجے گئے پارسل سے 4 گرام کوکین اور 10 گرام ویڈ جبکہ جی ٹی روڈ کے قیرب ملزم سے 3 کلو 400 گرام چرس برآمد ہوئی۔ لاہور ائیرپورٹ سے شارجہ جانے والے مسافر سے 670 گرام ہیروئن سے بھرے کیپسولز برآمد ہوئے۔
جھنگ میں بائی پاس چوک کے قریب دو ملزمان سے 14 کلو 400 گرام چرس برآمد کی گئی۔ اسلام آباد میں منڈی موڑ کے قریب ملزم سے 2 کلو 400 گرام چرس برآمد ہوئی جبکہ کوہاٹ روڈ پشاور سے 24 کلو چرس برآمد کی گئی۔ مین جی ٹی روڈ اٹک کے قریب دو ملزمان سے 650 گرام افیون اور طورخم بارڈر کے قریب افغان باشندے سے 115 گرام ہیروئن برآمد ہوئی۔ مانسہرہ میں جدون ہوٹل کے قریب ملزم سے 100 گرام چرس، 40 گرام آئس اور 30 گرام نشہ آور گولیاں برآمد کی گئی۔
ترجمان اے این ایف کے مطابق مختلف کارروائیوں میں 9 ملزمان کوگرفتار کرکے 45 لاکھ روپے سے زائد کی منشیات برآمد کی گئیں۔ ملزمان کے خلاف انسداد منشیات ایکٹ کے تحت مقدمہ درج کرلیا گیا ہے۔