آج دن اور رات کا دورانیہ برابر ہوگا
سورج سال میں دو مرتبہ خط استواسے گزرتا ہے
پاکستان سمیت دنیا کے مختلف ممالک میں آج دن اور رات کا دورانیہ ایک جیسا ہوگا۔
دن اور رات بارہ گھنٹے پر مشتمل ہوگا۔ ماہرین کے مطابق رات اور دن کا دورانیہ سال میں دو بار بائیس مارچ اور بائیس ستمبر کو برابرہوتا ہے۔
سورج سال میں دو مرتبہ خط استواسے گزرتا ہے۔ پہلی مرتبہ 22 مارچ کو جنوبی کرہ میں واقع خط جدی سے شمالی کرہ میں واقع خط سرطان کی جانب سفر کے دوران اس روز دن اور رات تقریباً برابر ہوتے ہیں۔اسی طرح 22 ستمبر کے روز بھی سورج عین خط استواء پر ہوتا ہے۔