وزیراعلیٰ کے پی کے نام پر نوکری کا جھانسہ دے کر پیسے بٹورنے والا فراڈیہ گرفتار
ملزم نے کئی شہریوں کو سرکاری نوکری کا لالچ دے کر پیسے بٹورے، شناخت محمد جمیل کے نام سے ہوئی
وزیراعلی خیبر پختونخوا کے نام پر نوکری کا جھانسہ دے کر پیسے بٹورنے والے نوسرباز کو پولیس نے گرفتار کرلیا۔
تفصیلات کے مطابق پیسے لیکر نوکری کا جھانسا دینے والے فراڈیے کی شناخت محمد جمیل ولد عزیز اللہ کے نام سے ہوئی جس نے وزیراعلیٰ کے نام پر نوکری کا جھانسا دیکر بہت سارے لوگوں سے پیسے بٹورے اور پھر انہیں آسرے دیتا رہا۔
شہری کی شکایت پر پولیس نے قانونی کارروائی کرتے ہوئے فراڈیے کو گرفتار کیا۔ پولیس کے مطابق ملزم کے خلاف قانون کے مطابق سخت ترین کاروائی کی جائیگی.
حکومت کی جانب سے جاری اعلامیے میں تمام افراد کو سختی سے متنبہ کیا گیا ہے کہ خیبرپختونخوا میں وزیراعلی یا صوبائی حکومت کا نام استعمال کرنے والوں تمام نوسربازوں کو سخت ترین سزا دی جائے گی۔