تجارتی خسارے میں 17 فیصد کمی برآمدات 910 فیصد بڑھیں

جاری مالی سال کے ابتدائی10ماہ کے د وران درآمدت میں 4.09 فیصد کمی ریکارڈ

Irshad Ansari/Shahbaz Rana May 03, 2024

جاری مالی سال کے ابتدائی10ماہ کے د وران درآمدت میں 4.09 فیصد کمی ریکارڈ (فوٹو: فائل )

پاکستان کے تجارتی خسارے میں مسلسل دوسرے ماہ کے دوران ریکارڈ کیا گیا اور اپریل کے دوران یہ تجارتی خسارہ دو ارب 40 کروڑ ڈالر رہا جو گزشتہ مالی سال کے اپریل کے مقابلے میں 181 فیصد بڑھا ہے تاہم اگر مالی سال کا مجموعی جائزہ لیا جائے تو ملک کے تجارتی خسارے میں پہلے 10 ماہ میں سالانہ بنیادوں پر 17 فیصدکی کمی ریکارڈکی گئی ہے۔

جاری مالی سال کے دوران پاکستان کی برآمدات میں سالانہ بنیادوں پر9.10 فیصد کا اضافہ اور درآمدات میں 4.09 فیصدکی کمی ریکارڈکی گئی ہے۔

ادارہ شماریات کے مطابق اگر ماہانہ بنیادوں پر جائزہ لیں تو مارچ کے مقابلے میں اپریل کے دوران تجارتی خسارے میں 3.16 فیصد کا اضافہ ریکارڈ کیا گیا۔

اعداد و شمار کے مطابق اپریل میں تجارتی خسارہ 2 ارب 37 کروڑ 40 لاکھ ڈالرز رہا، واں مالی سال کے 10 ماہ میں تجارتی خسارے میں 17.09 فیصد کی کمی ہوئی اور جولائی تا اپریل تجارتی خسارہ 19 ارب 51 کروڑ ڈالرز رہا۔

ادارہ شماریات کا کہنا ہے کہ اپریل میں سالانہ بنیادوں پر برآمدات میں 10.02 فیصد اضافہ ہوا، تاہم ماہانہ بنیادوں پر برآمدات میں 8.67 فیصد کی کمی ہوئی اور یہ 2 ارب 40کروڑ ڈالرز رہیں۔ جولائی 2023 تا اپریل 2024 ملکی برآمدات میں 9.10 فیصد اضافہ ہوا اور 10 ماہ میں برآمدات کا حجم 25 ارب 28 کروڑ ڈالرز رہا۔

رپورٹ میں کہا گیا ہے کہ اپریل میں درآمدات کا حجم 4 ارب 72 کروڑ ڈالرز رہا، رواں مالی سال کے 10 ماہ میں درآمدات میں 4.09 فیصد کی کمی رکارڈ کی گئی اور اس مدت میں درآمدات 44 ارب 79 کروڑ ڈالرز رہیں۔