پاک چین معاہدوں پر کوئی بات چیت نہیں ہوئی آئی ایم ایف

معاشی پیشرفت حوصلہ افزا، پائیدار شرح نمو کیلیے سیاسی مشکلات پر قابو پانا ہوگا

News Agencies March 30, 2024

گردشی قرض پر قابو نہ پایا تو پاکستان کو نرخوں میں اضافہ کرنا پڑے گا،عالمی مالیاتی فنڈ۔ فوٹو: ویب

آئی ایم ایف نے کہا ہے کہ پاکستان سے پاک چین معاہدوں کے حوالے سے کوئی بات چیت نہیں ہوئی۔

آئی ایم ایف کا کہنا ہے کہ پاکستان سے پاک چین معاہدوں کے حوالے سے کوئی بات چیت نہیں ہوئی، آئی ایم ایف رکن ممالک کے معاہدوں پر بات چیت نہیں کرتا، مالیاتی اداروں اور دوست ممالک سے مالی تعاون کے حصول کا انحصار پاکستان پر ہے۔

نجی ٹی وی کے مطابق آئی ایم ایف نے کہا کہ سیاسی جماعتوں سے جولائی2023 کی ملاقاتوں میں پروگرام کی کامیابی کے حوالے سے بات چیت ہوئی، اس کے بعد انتخابات تھے، اسٹینڈ بائی ارینجمنٹ معاہدہ9 ماہ کیلئے تھا جو اپریل میں ختم ہو جائے گا، ترقیاتی بجٹ منجمد کرنے کا مشورہ خسارہ کم کرنے کیلیے دیا، پاکستان نے گردشی قرض پر قابو نہ پایا تو نرخوں میں اضافہ کرنا پڑے گا۔

آئی ایم ایف کے مطابق پاکستان کی معاشی پیشرفت حوصلہ افزا مگر چیلنجز کا تاحال سامنا ہے،آئی ایم ایف کی تجاویز پر پاکستان نے بہتر عمل کیا، پائیدار شرح نمو کیلیے پاکستان کو سیاسی مشکلات پرقابو پاناہوگا۔