ملکہ ترنم نورجہاں کو خراج عقیدت پیش کرنے کیلئے لاہور میں تقریب

تقریب میں سینئر اداکار مصطفیٰ قریشی، صفدر ملک، ذوالفقار مانا، مسعود بٹ، ڈاکٹر رفعت المنتہیٰ ودیگر نے شرکت کی

Showbiz Reporter February 18, 2024

سیکرٹری اطلاعات و نشریات پنجاب دانیال گیلانی انعامات تقسیم کرتے ہوئے (فوٹو : ایکسپریس)

ملکہ ترنم نور جہاں کو خراج عقیدت پیش کرنے کیلئے لاہور میں 'گائے گی دنیا گیت میرے' کے عنوان سے تقریب منعقد کی گئی۔

ایکسپریس نیوز کے مطابق الحمرا ہال میں منعقدہ تقریب میں سینئر اداکار مصطفیٰ قریشی، صفدر ملک، ذوالفقار مانا، مسعود بٹ، ڈاکٹر رفعت المنتہیٰ، بینا سحر، عمران احمد، علی بدر، شاہین ڈار، ریحانہ، شرجیل انظر، ام ایمن، سلمان سنی، عماد بٹ، فیصل حیات اور سیکرٹری کلچر پنجاب دانیال گیلانی نے شرکت کی۔

آل پاکستان چائینز اوورسیز یوتھ فیڈریشن کے زیر اہتمام پروگرام میں مختلف گلوکاروں عاصمہ لتا، مکھناں اور دیگر نے پرفارمنس پیش کی۔

اس موقع پر مختلف فنکاروں کو ان کی خدمات پر ایوارڈ بھی پیش کیے گئے جب کہ مختلف فنکاروں نے ملکہ ترنم کا مخصوص فیشن اسٹائل بھی کیا ہوا تھا۔