آئی ایل ٹی20 کا آغاز پاکستانی اسٹارز جلد پہنچیں گے

ایونٹ میں شاہین شاہ آفریدی سمیت پاکستانی کرکٹرز بھی شرکت کریں گے، شائقین کو ان کی آمد کا انتظار ہے

Numainda Khususi January 20, 2024

ایونٹ میں شاہین شاہ آفریدی سمیت پاکستانی کرکٹرز بھی شرکت کریں گے، شائقین کو ان کی آمد کا انتظار ہے (فوٹو: ایکسپریس ویب)

آئی ایل ٹی20 سیزن 2کا آغاز ہوگیا جب کہ ایونٹ میں شاہین شاہ آفریدی سمیت پاکستانی کرکٹرز بھی شرکت کریں گے۔

آئی ایل ٹی20 سیزن 2 کا گزشتہ روز شارجہ میں آغاز ہوگیا جب کہ ایونٹ میں شاہین شاہ آفریدی سمیت پاکستانی کرکٹرز بھی شرکت کریں گے، شائقین کو ان کی آمد کا انتظار ہے۔

ذرائع کے مطابق شاہین اور اعظم خان نیوزی لینڈ سے ٹی ٹوئنٹی سیریز کا آخری میچ ہونے کے بعد پیر کو کرائسٹ چرچ سے دبئی روانہ ہوں گے، شاداب خان بھی ان کی ٹیم ڈیزرٹ وائپرز کا ہی حصہ ہیں،چوتھے پاکستانی محمد عامر کی خدمات بھی اسی فرنچائز نے حاصل کی ہیں۔

یہ بھی پڑھیں: شاہین آفریدی کا آئی ایل ٹی 20 ٹیم ڈیزرٹ وائپرز کے ساتھ 3 برس کا معاہدہ

ڈیزرٹ وائپرز پاکستانی ٹی ٹوئنٹی کپتان کو ہی آئی ایل ٹی ٹوئنٹی میں بھی ذمہ داری سونپنے کا سوچ رہے تھے لیکن دستیابی کے معاملات کو ذہن میں رکھتے ہوئے کولن منرو کو کپتان مقرر کر دیا، عماد وسیم کوابوظبی نائٹ رائیڈرز نے اسکواڈ میں شامل کیا ہے۔

منتظمین نے خصوصا شاہین شاہ آفریدی کی قدآور تصاویر یو اے ای کے کئی مقامات پر لگوائی ہیں، انھیں امید ہے کہ پاکستانی اسٹارز کی آمد لیگ کی رونقیں مزید بڑھائے گی۔