پاکستان کینو پیدا کرنیوالے ممالک کی فہرست میں نویں سے 20ویں نمبر پر آگیا

فوری اقدامات نہ کیے تو کینو کی پیداوار مزید کم ہو سکتی ہے، ترجمان اسٹرس فروٹ گروئرز ایسوسی ایشن

INP January 05, 2024

فوری اقدامات نہ کیے تو کینو کی پیداوار مزید کم ہو سکتی ہے، ترجمان اسٹرس فروٹ گروئرز ایسوسی ایشن۔ فائل فوٹو

پاکستان کینو پیدا کرنے والے ممالک کی فہرست میں نویں سے 20ویں نمبر پر آگیا۔

اسٹرس فروٹ گروئرز ایسوسی ایشن کے ترجمان شوکت پرویز آرائیں نے کہا کہ پاکستان کینو پیدا کرنے والے ممالک کی فہرست میں نویں سے 20ویں نمبر پر آگیا۔

انھوں نے کہا کہ اس ضمن میں فوری اقدامات نہ کیے تو کینو کی پیداوار مزید کم ہو سکتی ہے جس سے ملک قیمتی زر مبادلہ سے بھی محروم ہو سکتاہے۔

یہ بھی پڑھیں: پاکستان میں کینو کی قدرتی مزاحمت ختم، پیداوار میں شدید کمی

انھوں نے بتایا کہ پاکستان میں پانی کی کمی کا مسئلہ دن بدن شدت اختیار کرتا جا رہا ہے جبکہ ہمسایہ ملک کی جانب سے پاکستان آنے والے دریاؤں پر ڈیمز اور آبی ذخائر کی تعمیر بھی تشویشناک ہے۔

شوکت پرویز آرائیں نے کہاکہ پیداواری لاگت میں اضافہ کے باعث کاشتکاروں اور باغبانوں کو اپنی اجناس اور پھلوں کی پیداوار کا مناسب معاوضہ نہیں ملتا جس سے کاشتکار اور باغبان بھی پریشانی کا شکار ہیں۔