نان فائلرز کی رجسٹریشن کیلیے ملک گیر سروے شروع

انکم ٹیکس گوشوارے جمع نہ کرانے والوں کو بینک اکاؤنٹس کی معطلی اور موٹرویز سفر پر پابندی کا بھی سامنا کرنا پڑسکتا ہے

این این آئی December 26, 2023

انکم ٹیکس گوشوارے جمع نہ کرانے والوں کو بینک اکاؤنٹس کی معطلی اور موٹرویز سفر پر پابندی کا بھی سامنا کرنا پڑسکتا ہے۔ فوٹو: ویب

ایف بی آر نے خبردار کیا ہے کہ انکم ٹیکس گوشوارے جمع نہ کرانے والوں کو بینک اکاؤنٹس کی معطلی اور موٹرویز اور بین الاقوامی فضائی سفر پر پابندی کے نتائج کا بھی سامنا کرنا پڑ سکتا ہے۔

فیڈرل بورڈ آف ریونیو (ایف بی آر) حکام کے مطابق نان فائلرز کی رجسٹریشن کے لیے کاروباری اور کمرشل یونٹس کا ملک گیر سروے شروع کر دیا ہے۔

یہ بھی پڑھیں: آئی ایم ایف کی ہدایات پر 8 لاکھ نان فائلرز کو ٹیکس نوٹسز جاری

نان فائلرز کو جرمانے، یوٹیلیٹیز منقطع کرنے، بینک اکاؤنٹس کی معطلی اور انتہائی معاملات میں موٹر ویز اور ہوائی اڈوں پر نقل و حرکت کو محدود کرنے جیسے نتائج سے بچنے کیلیے قریبی ٹیکس آفس میں اپنا اندراج کروانا ہوگا۔