پاکستان سعودی عرب کو کارکن فراہم کرے گا معاہدہ طے

معاون خصوصی جواد سہراب،صدر نیسما اینڈ پارٹنرز کی ملاقات، معاہدے پر دستخط

Monitoring Desk November 17, 2023

معاون خصوصی جواد سہراب،صدر نیسما اینڈ پارٹنرز کی ملاقات، معاہدے پر دستخط۔ فوٹو فائل

پاکستان سعودی عرب کو کارکن فراہم کرے گا، دونوں ملکوں کے درمیان معاہدہ طے پاگیا۔

سعودی میڈیا کے مطابق پاکستان کے وزیراعظم کے معاون خصوصی جواد سہراب ملک نے نیسما اینڈ پارٹنرز کے صدر اور سی ای او سمر عصام عبدالصمد کے ساتھ ریاض میں ملاقات کی ہے۔

ملاقات کے دوران جواد سہراب ملک اور نیسما اینڈ پارٹنرز کے صدر کے ساتھ معاہدے پر دستخط ہوئے۔معاہدے کے تحت پاکستان سعودی عرب کو ہنر مند افرادی قوت خاص طور پر نیسما کے جاری اور آنے والے منصوبوں کے لیے فراہم کرے گا۔

جواد سہراب ملک نے کہا کہ یہ معاہدہ پاکستان اور سعودی عرب کے درمیان ایک اہم تعاون کی نشاندہی کرتا ہے۔ معاہدے سے سعودیہ کے اہم انفراسٹرکچر اور ترقیاتی اہداف میں حصہ ڈالنے کے لیے خاطر خواہ پاکستانی افرادی قوت کی برآمد کی راہ ہموار ہوگی۔