پاکستان کی چین کو برآمدات میں 100 فیصد اضافہ

ستمبر میں پاکستان کی چین کو برآمدات کی مجموعی مالیت350 ملین ڈالر رہی

Numainda Express October 16, 2023

ستمبر میں پاکستان کی چین کو برآمدات کی مجموعی مالیت350 ملین ڈالر رہی۔ فوٹو: فائل

پاکستان کی چین کو برآمدات میں 100 فیصد اضافہ ریکارڈ کیا گیا ہے۔

گزشتہ سال کے مقابلے میں رواں سال ستمبر میں پاکستان کی چین کو برآمدات کی مجموعی مالیت 350 ملین ڈالر رہی۔

گوادر پرو کے مطابق ٹریڈ ڈیولپمنٹ اتھارٹی پاکستان کی جانب سے جاری کردہ تازہ ترین رپورٹ میں بتایا گیا ہے کہ ستمبر 2023 میں پاکستان کی چین کو برآمدات کی مجموعی مالیت 350 ملین ڈالر رہی جو گزشتہ مالی سال کے اسی مہینے کے دوران 174 ملین ڈالر مالیت کی برآمدات کے مقابلے میں 100 فیصد زیادہ ہے۔

یہ بھی پڑھیں: پاکستان سے چین کیلیے برآمدات میں 5.16 فیصد اضافہ

گوادر پرو کے مطابق ستمبر میں دنیا کے تمام شراکت دار ممالک کو پاکستان کی مجموعی برآمدات 2اعشاریہ46 ارب ڈالر ریکارڈ کی گئیں، جن میں چین کا حصہ 14اعشاریہ 20ملین ڈالر رہا۔

مالی سال 23-24 کی پہلی سہ ماہی کے دوران دنیا کے تمام شراکت دار ممالک کو پاکستان کی برآمدات 6اعشاریہ 89ارب ڈالر تک پہنچ گئیں، اس میں سے چین کو برآمدات کا حجم 729 اعشاریہ 7 ملین ڈالر رہا جو پاکستان کی مجموعی برآمدات کا تقریبا 10اعشاریہ 57 فیصد بنتا ہے۔