لاہور میں داتا دربار کی کھدائی کے دوران قبریں دریافت
قبروں کے تقدس کا مکمل خیال رکھ کر کام کیا جارہا ہے، محکمہ اوقاف
دربار داتا صاحب غلام گردش کے توسیعی منصوبے پر کھدائی کے دوران نیچے سے قبریں نکل آئیں۔
ایکسپریس نیوز کے مطابق محکمہ اوقاف کی جانب سے دربار شریف کے ساتھ محلقہ غلام گردش کی توسیع کے منصوبہ پر کام کے دوران فرش کے نیچے سے متعدد قبریں برآمد ہوئی ہیں۔
محکمہ اوقاف کے حکام کا کہنا ہے کہ دربار کی توسیع منصوبہ پر مکمل احتیاط سے کام ہورہا ہے، قبروں کے تقدس کا مکمل خیال رکھ کر کام کیا جارہا ہے۔
دوسری جانب زائرین اور جن کے پیاروں کی قبریں ہیں انہوں نے محکمہ اوقاف کو احتیاط سے کام کرنے کی اپیل کی ہے تاکہ ان کے پیاروں کی قبروں کو نقصان نہ پہچے۔
لواحقین کا کہنا ہے کہ جو نئے ستون بنائے جائیں اس کی تعمیر کے دوران قبروں کے تقدس کا بھی خیال رکھا جائے۔