پاکستان کی آبادی 24 کروڑ 95 لاکھ سے بڑھ گئی

پنجاب 12 کروڑ، سندھ 5 کروڑ 79 لاکھ، بلوچستان کی آبادی 2 کروڑ 19 لاکھ سے متجاوز

نعیم اصغر May 23, 2023

اسلام آباد کیپٹل ٹیریٹری کی آبادی 23 لاکھ 59 نفوس پر مشتمل، چیف مردم شماری کمشنر (فوٹو: فائل)

پاکستان کی آبادی 24 کروڑ 95 لاکھ سے بھی تجاوز کرگئی، مردم شماری حکام نے ساتویں مردم شماری کے عبوری اعداد و شمار جاری کر دیے۔

چیف مردم شماری کمشنر نعیم الظفر نے حالیہ مردم شماری مہم کے بعد ملکی آبادی کے اعدادو شمار بتاتے ہوئے کہا کہ یہ ابھی عبوری رپورٹ ہے تاہم حتمی اعداد وشمار کا اعلان جون کے تیسرے یا چوتھے ہفتے میں کیا جائے گا۔

چیف کمشنر کے مطابق ملکی آبادی 24 کروڑ 95 لاکھ 66 ہزار 743 ہوگئی ہے، پنجاب کی آبادی 12 کروڑ 74 لاکھ 74 ہزار 802 تک پہنچ گئی ہے، سندھ میں آِبادی 5 کروڑ 79 لاکھ 31 ہزار 907 ہوگئی ہے، بلوچستان کی آبادی 2کروڑ19لاکھ77 ہزار 474 ہو چکی ہے۔

یہ بھی پڑھیں: پاکستان کی آبادی 24 کروڑ 33 لاکھ سے تجاوز کرگئی

اسی طرح اسلام آباد کیپیٹل ٹیریٹری کی آبادی 23لاکھ 59 ہزار 422 نفوس پر مشتمل ہے، چیف کمشنر نے کہا کہ مردم شماری کا نظام بیٹھنے کی کوئی شکایت نہیں آئی۔

چیف کمشنر نے مزید کہاخانہ و مردم شماری کی ڈیٹا کلیکشن رات (22مئی) ختم ہوگئی، ہم درخواست کریں گے اس مردم شماری کے نتائج کو آئندہ الیکشن میں استعمال کیا جائے۔